قصة حملي

[وعودة]

السلام وعليكم ورحمة الله وبركاته

بدي احكي قصة حملي بطفلي الثالث علشان الكل يستفيد

انا كانت اخر دورة في شهر ستة 10 \6 وتاخرت الدورة علي شي 15 يوم ئلت بروح على دكتورة بطمن على حالي حكتلي انو يمكن في حمل حكتلي ارجعي لعندي بعد اسبوع مشان اكدلك

والله استنيت اسبوع ورجعت وعملت تحاليل دم وبول ويطلع سلبي فحصتني اكيو حكتلي انو مافي حمل لازم يكون كيس الحمل واضح وما بين معي

فحكتلي خدي حبتين من كوموريت اسيا مشان تجي الدورة وحكتلي بعد ما تاخدي الدوا لازم بعد خمسة ايام تجي اخدت الحبتين واستنيت 5 وما اجت وصارو عشرة ايام وما اجت حكالي جوزي خلينا نغير الدكتورة وفعلا غيرت الدكتورة ورحت لعند غيرها شرحتلها كل شي حكتلي راح افحصك ايكو سونار فحصتني وحكتلي رحمك فاضي مافي شي حكتلها لكان ليش لهلئ ما اجت حكتلي يمكن من وزنك لانو عالي شوي وصفتلي نور كلوت وحكتلي خديه لمدة خمس ايام وبس توقفيه لازم تجي وكمان اخدتو وضليت اكتر من 15 يوم وما اجت صرت احس حالي عم افوت على الحمام كتير واحس حالي مو طايقة جوزي ولا عند رغبة بالجنس ابدا فحكالي جوزي انو خلينا نحلل دم تاني مرة وفعلا حللت وتفاجئت انو طلعت حامل وهرمون الحمل مرتفع وطلع 13385.7 تفاجئت كتير وخفت انو هاد الحب يعمل تشوهات انو لا بين بالايكو ولا ايكو سونار ولا تحاليل وانا ائلي هلئ شي شهرين حكيت مع دكتورة انو طلعت حامل وحكتلها انو بأثر الحب يلي اخدتو طمنتي وحكتلي لاء وحكتلي لازم اشوفك مشان نشوف وضع الجنين واحسبلك اديش ائلك