قصة ولادتي ببنتي ريتال

[&غــــرام&]

هااااااااااااي بناااااااات
انا ولله الحمد ولدت بالسلامه يوم الخميس الساعه 9.00 مساء
وخرجت من المستشفى يوم الجمعه العصر بالسلاممه انا وامورتي الله يحفظها لي ولابوها

قصة ولادتي

زي من تو عارفين ان كان يوم الخميس عندي موعد عشان اسوي تحريض باالجلي
لان الموياات كانت تنزل ويوم الاربعاء كنت مرره متضاايقه وخاايفه ومتردده اروح او لا
بس وكلت امري لله ورحت الساعه 9 الصباح ودخلت عند الدكتوره وقالت لي يالله على
التنويم ورحت معها وانا ارتجف من الخوف ودخلت غرفة حالات الولاده ومادخلو زوجي
معي لانه ممنوع قمت وودعته من الباب وانا ماسكه دمعتي خايفه اني مااشوفه مره ثانيه
بس مسكت اعصابي قدامه ورحت الغرفه وانفجر بكى لييييييييين جت السستر تقول لاماما
مافي خوف ليش انتا في ابكي وسدحتني وحطت لي التخطيط واخذت القران وقعت اقراء سورة مريم
وجت الدكتوره وحطت لي الجلي وقالت لي بعد ساعه قومي امشي
علشان كل مامشيتي راح يزيد مفعول الجلي وهذا كان الساعه 11 ونص الصبح
وقعدت لين الساعه 1 الظهر وجت وفكت التخطيط وقمت امشي وادعي امشي وادعي
وفجاء الا ووحده داخله وتصااااااااارخ وتبكي ودخلوها غرفة الولاده وكان البابا مفتوح
وانا امر بالممر واحاااول اني مااناظر واغطي اذني لاني عن جد فجعتني
وقعدت ساعه مع الصرااخ لين سمعت صوت النونو الا واطير من الفرح كاني اعرفها
وكملت مشي الين المغرب ماقعدت السسترات يقولون ماما انتا ارتاح وانا مو راضيه اقعد لان وانا امشي الوجع يروح ويجي بس خفيييييييييف جدااا
وجت الدكتوره وقالت يالله كشف وسحبتني مع ايدي من الممرات الين الغرفه
وقاسة وقالت ماشالله فتح اربع سانتي وانا ماصدقت وجت وفتحت الكيس وقالت لي ادفعي
وهي ضاغطه على بطني من فوق ومن تحت تكشف وتفتح بقوووه والله انه يعووور وقالت لي السستر
حطي مغذي طلق انا خلاص ارتجف وحطت لي وقالت يالله ماما شويه ونروح غرفة الولاده
هذا الكلام على الساعه 5المغرب وادق على زوجي واقوله واقفل واقعد ابكي وعلى هالحال كل مااكلمه
وشوي بدىوجع بسيط قالت لي ماما يالله روح حمام انتو بكرامه ورحت ورجعت ودخلتني غرفة الولاده
وركبت التخطيط وراحت وشوي وبدى الام الصح وقعت اترجااها تعطيني مسكن تقول لاماما لما يصير اقوه وانا اقولهاوانا اصارخ من غير حس بعد في اقوه من هذا الوجع وراحت وخلتني وقعدت من الساعه 6 لين الساعه
8 وانا انشوي من اللم وكل شوي وحده تجي تكشف وبعدهاا هلوست اقولهم ساعدوني ابي مسكن راح امووووت الله يخليكم مسكن انادي امي وزوجي
تكفون سستر وربي قعدت اترجااهم كاني طراره ولييين رحمنتي واعطتني مسكن وارتاح شوي ويرجع الوجع اقوى من قبل وكل ماخف اقعد ادعي لكل حامل انها تولد بالسلامه وكل اهلي ولكل محرومه وشوي تقولي 9 سانتي ورفعة رجلي وجهزتني وشوي والا احس ان في شي يبي يطلع وقعدت اتنفس وهم عرفووو
ويروحون جري يقولون للدكتوره بيبي كااام بيبي كااام وشوي الا وتقولي ادفعي وادفع وانا اصاارخ
تقول لا ماما قفل فم واقفل وادفع وارتاااح واخر دفعه دفعتها من قلب والحمد لله طلعت بنوتتي على
الدنيابالسلامه الله يحفظها من كل شر وشوي ومااحس باي شي اغمى على وتجيك تعطيني كفوف خفيفه تقول ماما شوف انتا وش جيب
وقمت وشفتها ورجع اغمى على ومااقوم الا وهم يظغطون على بطني والم مو طبيعي وبعدها خيطولي
وادق على زوجي واقوله خلصت روح جيب شنطة البيبي اعطيهم الحضانه وبعد الخياطه يرجع الدم ينزل وترجع الدكتوره تضغط على بطني وانا اتالم مرررره اقولها دكتوره يعورني تكفين وبعدها طلعوني من الغرفه واستقبلني زوجي اول ماشفته
بغيت ابكي بس مسكت نفسي وغطيت عيني عشاان مااشووفه وابكي وهذا قصة حياتي بالتفصيل الممل
وتذكرت امي الله يرحمها كيف عانت صدق ماتحسي بقدر امك زيييييين مازيييين الا لما تجربي
والله يهون على كل حامل ويرزق كل محرووومه وادعولي ان الله يحفظ لي بنتي رتوله من كل شر ويقومني بالسلامه وانصحوني أي نصيحه بوجه الله وصدق لاقالو اول ماتشوف الضنى تنسى الولاده وخرااايطهاااا