أول مشاركة لي وان شاء الله استفيد من خبرتكم

[Aza]

السلام عليكم ورحمة الله وبركاته


هذي أول مشاركة لي معاكم وان شاء الله اقدر استفيد من خبرتكم


أنا صالي سنة متزوجة وتأخر علي الحمل فحصت واكتشفت ان عندي تكيس

خذت علاجات وكانت أكثر من شهر تكون البيضة بحجم مثالي بس ما يصير حمل

ومن شهرين ما اخذت لا حبوب ولا أبر ولا شي قلت بريح ثلاث شهور وبعدين بسوي تلقيح صناعي

والمفروض دورتي تجي تاريخ 22 / 8 بس للحين ما بين شي

عملت التحليل المنزلي بعد موعد الدورة بأربعة أيام وطلع لي خطين واحد غامق والثاني فاتح

وبعدها حللت دم طلع ( - ) يعني مافي حمل

وللحين ما اجتني الدورة

الاعراض: أول شي كنت احس بالم ظهر مع اني ما احس بالم الظهر لما تجيني الدورة
وحالياً أحس بالام الدورة وهي الم البطن بس ألم خفيف متقطع وكل ساعة أشيك احس ان ينزل شي بس تطلع افرازات بيضا سميكة نوعا ما + حراراتي مرتفعه واليوم حسيت بدوخة خفيفه


أبغي تعليقاتكم ونصايحكم لي