لكل من سألتني..أعراض حملي

[عطر الشام]

السلام عليكم اخواتي
واخيرا رحت شفت الحمل على الايكو والحمدلله كل شي بخير
سألوني كتير عن اعراض حملي و حبيت افيد كل منتظرة تبحث عن اي معلومة متل ما كنت انا ابحث بانتظار الحمل
بالشهر يلي حملت كنت اخدة حبوب تنزيل هرمون الحليب مع محرض اباضة لتاني شهر عالتوالي...وبهالشهر كنت مستبعدةةةة الحمل كثيييير و لاكنت شاكة ابدا لهيك تأخرت بالتحليل حتى
- قبل موعد الدورة ما كان في اعراض غريبة ابدا حتى الدكتورة مرة قالتلي ناااادرا تحسي باعراض الحمل قبل الدورة لان تركيز هرمون الجمل يكون منخفض جدا
- بعد تأخر الدورة 3 ايام صابتني ارتفاع حرارة موووو طبيعي بحدود 40 و نزلتها باستخدام كمادات
- كان ألم الدورة موجود معي دايما وكل يوم اقول اليوم رح تنزل
- الافرازات كانت بيضاء نوعا ما تروح و تجي
- بعد تأخر الدورة 4 ايام وخز في الثدي واحساس بامتلاءه و طراوة فيه
- بعد تأخر الدورة بأسبوع حللت تحليل منزلي و طلعلي خطين غامقين بسرررعة
و الحمد لله انا حامل الآن بحدود شهر ونص...ادعولي ربنا يسلم حملي و يتتمم بالخير و يسهل ولادتي
و دعواااااتي لكل منتظرة ....
ونصيحة اكثروووو الاستغفار و الدعاء و شيلي فكرة الحمل من راسك(بعرف صعبة بس حاولي تتجاهلي الموضوع و لا تعمليه هاجس)