والدي توفى الله يرحمه

[((ام ليان))]

السلام عليكم. يا بنات تكفون ادعوا لوالدي بالرحمة والمغفرة لقد توفى الله يرحمه ويغفره كان مريض بالسرطان في البنكرياس والحمدلله ما تعذب في مرضه كثير من جد فقدناه اللهم اجعل ما اصابه تكفير له اللهم اجعل قبره روضه من رياض الجنه




كل العزاء كل الرثاء والمعاني
كل الالم ،كل الحزن والندامة
ما اخفت اثر حزن بناره كواني
كوية تبي تبقى بزماني علامه
حزني على بحر حنانه احتواني
وصيته اعتلا تل الكرم والشهامه
اللي يطوع عاصيات الاماني
لأجلي وبامواجه امان وسلامه
رحل وخلا كل منا يعااااني
فقدده كبير وما علينا ملامه
هذا السند ما غيره انسان ثاني
في صمته هيبه ! والوقار بكلامه
رحل وورث طيبته والحناني
لرجال فيهم ترتفع كل هامه
اخواني اللي ما رضوا لي اعاني
كانوا لي (الوالد) بكل اهتمامه
عز وكرامه و( ظنهم ) ما كفاني
يبوني بدر روعته في تمامه
قلوبهم اوطان ... ماابه اناني
وقلبي كساهم قبل حبه احترامه
ما قلت اكتب لاجلهم او عشاني
لكن عشان اللي تعلى بمقامه
شيخ توفى و أعلن العمر فاني
وصاته شرع الله ! حلاله و حرامه
يالله تجعل منزله بالجناني
وتجنبه خوف القبر مع ظلامه
جففت حبري يوم حزنه خذاني
ما اسيله يا كود شوقي لغرامه