زوجي بيتزوج علي والسبب اني....!!!! آآآه يآرب صبرني

[بنت آب]

السلام عليكم خواتي

انا من اشد المتابعين لهالمنتدى الرائع ماشاءالله

وحبيت الان اسجل واطرح لكم مشكلتي واتمنى اشوف منكم الحلول والردود اللي تبرد القلب ..

,

انا متزوجه صار لي سنه .. اول 3 شهور من زواجي كانت دورتي ملخبطه حيييل ورحت لدكتوره واعطتني حبوب قالت اكليها اسبوع واكلتها اسبوع وبعدها تركتها والشهر اللي بعده الحمدلله انتضمت دورتي والى الان منتظمه يعني لو تتأخر يوم او تقدم يوم بس الحمدلله
المهم انا ابي احمل مابقى شي مااكلته وماابقى شي ماسويته ومابقت دكتوره بالشرقيه ماجيتها :(
كل شهر وانا رايحه لدكتوره وكل وحده تعطيني كلام :(
رحت لدكتوره وقالت لي عندك تكيسات؟!! كثري شرب مويه..
بعدها رحت دكتوره ثانيه قالت عندك دهون متراكمه في منطقة البطن لازم تنحفين عشان تحملين :(
ورحت لدكتوره ثالثه قالت انتي سليمه مافيك شي :(
ورحت لغيرهم بعد وقالت كلام بعد خرابيط ..!!

وجربت حرمه ممرخه ومرختني بوقت الدوره قالت الرحم مقلوب!!
ومرختني بعدها قالت خلاص الرحم تعدل وبتحملين.!! وصار لي 4 شهور من مرخت وماصار حمل!!

بنات انا تعبت نفسياً وجسدياً وكل شي :(

أدري بتقولون سنه قليله غيرك سنين محرومين :(
يابنات انا عندي ام زوجي نشبه وقالت لزوجي بعد 3 شهور لو زوجتك ماحملت تراني بخطب لك وبزوجك :(

ساعدوني الله يخليكم وش اسوي بنفسي ؟؟

انا من يوم كنت فبيت اهلي وانا دورتي الحمدلله منتظمه وجسمي مربربه يعني مو رشيقه!!
لما تزوجت كان وزني 65 الحين وزني زايد حيل 85 :( مع ان اكلي قللللييل بس من النفسيه :(

بنات فيه شي ثاني بسألكم عنه :(

انا لما يجامعني زوجي ويخلص موية زوجي على طووووول تنزل مني!!
احس انها ماتدخل في رحمي ؟؟ ابي اعرف وش السبب ليش يصير فيني كذا؟؟
هالوضع يصير لي من اول ليله بزواجي يعني مو شي جديد علي :(
قالوا انسدحي بعد الجماع لاتقومين وصرت انسدح ساعه كامله مااقوم وصرت ارفع رجووولي بعد بس نفس الشي اول ما اوقف على طوووول ينزززل كله مني يعني لو قطره او قطرتين معليش بقول عادي وطبيعي بس المصيبه اني اشوفه وربي كله ينزل احس مادخل فيني شي!!!

وش الحل انا تعبت و زوجي تعب مدري وش العله اللي فيني :(

سآعدوني الله يوفقكم ويرزقكم ياااارب بالحمل السلييييم

انا عايشه بعيد عن اهلي ونفسيتي زفت ومالي احد اشكي له غيركم

الله يسعدكم ويخليكم ويارب اشوف منكم تجاوب وحلول

واللي تعرف دكتورة نساء مجربه وكويسه بالخبر تدلني عليها :(