تجمع (سأحمل بإذن الله)

[متفائلة بالحمل]

السلام عليكم ورحمة الله وبركاته

أسعد الله اوقاتكن بكل خير وكل عام وانتن بخير
وكل عام وانتن حوامل خخخخخ>>>> مدري ذي دعوة لكن والا عليكن

حبيباتي اعتذر منكن جدا لتاخري في تنزيل الجدول اللي راح امشي عليه باذن الله ولكن لاسباب خارجة عن ارادتي فاعذروني

الجدول اللي راح امشي عليه على هذا النحو:
(تراه باجتهاد شخصي بس متعوب في تجميعه ومبسسسسط جدا جدا والكل باذن المولى عز وجل راح يستفيد منه فإن انتفع منه احد فهذا فضل من الله وتوفيقه)

ضعي جدول من اليوم الى موعد دورتك ولصقيه في مكان في غرفتك عشان ماتنسين وكل شي تسوينه حطي عنده علامة

الحين بتقولون وش اللي نتبعه في هالأيام؟!!!

أنا اقولكم الحين بالتفصيل:

في البداية خذي زيت زيتون واضيفي له 3 ملاعق حبة سودا مطحونه وكلنا نعرف ان الحبة السودا شفاء لكل شي الا الموت

اقري عليه ايات الحمل, وهي:
الفاتحة
الكرسي
المعوذات
المرسلات من 20 - 14
الانعام 67, 98
الحج 5
نوح من 10 - 12
القيامة من 37 - 39
الحجر من 49 - 51
الصافات من 99 - 102
الطارق من 5 - 7

وكمان اقريها على موية زمزم او اي مويه واشربي منه يوميا بكثرة
والزيت تدهنين بطنك يوميا مع قراءه الرقية بخشوع

ثانيا:
* يقول ابن الجوزي رحمه الله:
"اعطوا الله مايحب يعطيكم ماتحبون, استجيبوا لله اذا دعاكم يستجيب لكم اذا دعوتموه"
فربنا اذا ارضيتوه سيرضيكم حتما
اذا اردتي من الله شيء اعطيه شيء
لاااازم تقدمين لله شي حتى يرضيك ويحقق لك مناك!!!
طيب وش نقدم لله حتى يرضى عنا ويرضينا؟!!!

اخواتي تعلمون ان احب الكلمات لله سبحانه هي:
سبحان الله والحمد لله ولا اله الا الله والله اكبر كثري منها كل ماتذكرتي الحمل أو انشغل تفكيرك اعطي الله مايحب حتى يعطيك ماتحبين وهذا شي سهل جدا ماياخذ منك مجهود ابدا ابدا

* خليك دايم على طهاره .
* تصدقي باستمرار وخصوصا اذا حسيتي ان اليأس والاحباط يتسلل إلى قلبك "داووا مرضاكم بالصدقة"
* أكثري من مدح الله سبحانه وتعالى في البخاري ومسلم :
"ياامه محمد لا احد احب اليه المدح من الله"

ثالثا:
* الاستغفار 1000 مرة او تزيد لكن لاتقلين عن الالف
* لاحول ولا قوة الا بالله 1000 مرة
* لااله الا انت سبحانك اني كنت من الظالمين 1000 مرة
* لا اله الا الله وحده لا شريك له له الملك وله الحمد وهو على كل شي قدير 100 مرة او اكثر
وحاولي تستشعرين كلمة (وهو على كل شي قدير) وكرريها

رابعا:
التوكل على الله كما ينبغي
انتي امشي على الجدول وانتي واااااثقة ان ربي راح يكرمك بالحمل خليك متوكله عليه
لاتقولين انا متوكلة على الله لكن عندي ضعف او زوجي عنده ضعف او عندي هرمون حليب او تكيس او او او
ترى مابعد لكن ينفي ماقبلها!!!
يعني ماكأنك توكلتي على الله

احنا خلال هالفترة نشتغل لله سبحانه وحتما راح يرضينا



اللي راح تنضم لنا ترد بالموافقة وراح نشوف كم وحدة انتفعت بهالجدول

والله ولي التوفييييق