حللت منزلي والنتيجة صدمتني

[حلم الأمومة 2010]

يا بنات ساعدوني يمكن بتتذكرو قصتي انا الي 23 يوم غايبة عني الدورة ولحد اليوم ال 12 من غيابها عملت 3 مرات تحليل منزلي وكان سلبي ومشان اتأكد اكتر عملت تحليل دم رقمي يعني هرموني وكانت النتيجة سالبة هرمون الحمل عندي كان صفر مع انه فيني كل اعراض الحمل ودورتي عادة كتير منتظمة
المهم الاعراض عندي زادت اخر فترة خصوصي الم الخاصرة والم شديييييييييد بحلمة الثدي ويلي كملها الي 4 ايام بعاني من افرازات بنية خصوصي لما اجهد نفسي طبعا انا عم بتحرك حركتي الطبيعية كأني مو حامل واليوم عدت الاختبار المنزلي وكانت النتيجة انه ظهر الخط الثاني غاااااااااااااااامق واااااااااااااضح من اول 10 ثواني
وقرأت بمنتديات انه الافرازات البنية أول الحمل يعني حمل خارج الرحم وخايفة حلل دم مرة تانية خايفة من النتيجة تكون موجبة والافرازات البنية تكون اجهاض لاني ما ريحت حالي معقول يكون هاد حمل خارج الرحم
واسفة على جرأتي بس حبيت وضح نقطة اني عم بمارس حياتي الطبيعية مع زوجي بعملية الجماع خصوصي بعد ما عرفت اني مو حامل وفي وحدة من الاخوات خبرتني انه الافرازات البنية سببه الجماع بالشهور الاولى
طبعا رح تخبروني اني روح عند دكتورة انا اكيد رح اعمل هيك ورح حلل دم مرة تانية بإذن الله بس لوقت ما حلل ما رح يكون الي صبر
طبعا انا كان عندي احساس من لحظة عملت تحليل الدم انه المختبر يلي حللت عنده كذااااااب وحتى ما فحصو عينة الدم مالي حابة اظلمهم بس هيك كان احساسي
ساعدوني الله يجزيكم الجنة