قصتي من حملي الاول

[Dalo]

السلام عليكم ورحمة الله وبركاته





حبيباتي انا اليوم ولأول مره حابه اتقلكم تجربه مريت فيها واتمنى من كل قلبي ان الي شفته ماتشوفونه بحياتكم*


في شهر 12/ 1431 عرفت أني حامل حملي الاول طبعااا فرحت انا وزوجي وأهلي فرحة لاتوصف

خصوصا ان زوجي اول واحد في عايلته يتزوج والكل فرحان فيه

المهم بديت اراجع بمستوصف وكتبتلي فيتامينات وحبوب حمض الفوليك وسوتلي تحاليل والحمدالله كل شي سليم وزنيً كويس بس كان عندي نقص في الحديد والحمدالله كنت طول فترة حملي اروح لمواعيدي بنتضام ولا مره فوت موعد

ويوم جيت في الشهر 6 واللي كنت انتظره من زمان لمعرفة وضع ونوع الجنين عرفة ان فيني ولد وكان وضعه الحمدالله كويس بس قالت لي ان الكلية اللي على اليمين على معتقد نازله للحوض يعني مو بمكانها الطبيعي طبعاااا خفت وضاق صدري بس طمنتني وقتها ان مافي ضرر انشالله طاعت وبشرة زوجي وامي وام زوجي ان كل شي الحمدالله كويس وعامتهم ان فيني ولد بس اهم اللي قلتلهم باقي العايله ماعلمتهم نوع الجنين


طبعاا الشهر ال7و 8 اروح لمواعيدي بنتظام ولما جاء الشهر 9 بديت أخاف بشكل اكبر من الولاده كون أني بكر ومااعرف وش اللي بيقابلني من الم

طبعاا في الشهر ال9 رحت لمستوصف على حسابي وسويت اشاعه صوتيه بس كنت ابي اتطمن على الجنين وكيف وضعه والحمدالله نفس كلامهم لي وضعه كويس بس الكليه اضللي نازله وطمنتني أهي بعد ان مافي ضرر انشالله

*طبعا ولادتي كانت ب1 رمضان بدت الام الطلق ورحت المستشفى وولدت وجبت ولد وسميته عبدالله على ابو زوجي

الكل فرح واتصل يباركلي فرحتي ماتنوصف وقتها نسيت الام الولاده يوم شفته

بس يوم ولدته يده اليسار كانت منعكفه يمكن من وضعيته ببطني وجلست يومين بالمستشفى لين يجي دكتور ألعظام يشوفه

اليوم الثالث لي بالمستشفى صحيت على خبر محزن كان اشين خبر بحياتي بس الحمدالله على كل حال

كنت رائحه بطريقي للحضانة علشان ارضعه فجاه دخلت ادوره بسريره دورت دورت مالقيته
سالت الدكتوره قالت لي هنا دخلت وشفت وياليتني مادخلت لقيته تعبان مره وبالله يتنفس وفي لي بخشمه ينضم التنفس عنده على طول جلست ابكي لاشعوري ولقيت دكتور وسألته وراوي إلاشاعه حقته ماراح تصدقون سبحان الله بيوم وليله تبدل الحال من حال الا حال

اول شي مال عاموده الفقري والقلب نتيجت ميلان العامود تغير مكانه وجاء باليمين الرىتين وحده فوق وحده تحت
جلست ابكي ابكي خلاص معاد تحملت الموقف اتصلت على زوجي جاء وشاف وعلى طول طلعني من المستشفى لان جلستي مالها داعي وقتها

جلست كل فترة نفاسي وانا دمعتي ماتوقف كل رمضان وانا ادعي ربي انه يشفي وليدي والكل يدعي والله

المهم بعد رمضان ب25 توفى وليدي وخذا قلبي معه والله يابنات بكمل بعد يومين سنه من وفات وليدي وانا والله ماقدرة انساه الله يرحمه يارب ويجعله شفيع لي ولزوجي يارب


اتمنى من كل من قرا كلامي انه يدعي ان ربي يغسل مودته من قلبي وقلب ابوه وانه يرزقني بذريه الصالحه وان يحسن خلقة ذريتي ومن مثلي يتمنى الضناء



أسفة على الاطاله ولاتحرموني من دعواتكم *