قصة ولادتي بلولي حياة الروح. ..

[ناني عسل]

السلام عليكم ورحمة الله
اخباركم واشتقت لكم. .
جيت احكيلكم قصة ولادتي المؤلمة نوعا ما. ..
المهم
هذا سلمكم الله كل يوم ادخل هنا واتشكى انا وبعض البنات من التأخير وكل يوم اروح المستشفى لين ما طفشو مني!
وكل يوم يعطوني مهله. . ومليت من الثقل اللي اتوقع كلكم جربتووه!
المهم ذاك اليوم كلمت زوجي يوم الاربعاء قلت تعال مافي ولاده وطفشت واشتقت لك قال اوك ووصل البيت وجلست انا وياه حكي ويتمصخر علي اني طولت وكذا. .
المهم
انا قبلها ماخليت شي ماسويته تحريض الولاده مابقى الا الحل الوحيد والفتاك خخخخ اللي هو الجماع
رغم اني كنت خايفه موت منه ولان صار شهر ما تجامعنا فا كنت مرعوووبه
بس غامرت لدرجه ان زوجي قال والله كأنك بيوم الدخله! !
قلت اقول خلص بس!
المهم انه زوجي طول مره وانتهييييييت ماعاد فيني اتحرك ولان زوجي كان ياخذ حبوب فاتأخر وماقدرت اتحمل وهو لسا ما خلص
قلت له خلاص!
ونمت وما هي الا ساعتين ويجي ذاك الألم
وانا افز وهو كان صاحي جنبي!
قال بسم الله وش فيك قلت بطني وظهري يوجعني اول مره احس بالألم هذا!
قال تعوذي من الشيطان والله مو صحيح يعني معقوله جبت مفعول هههه يتمسخر!
المهم رجعت نمت! وووورجع الألم! وافز ويطالع فيني قال من جدك قلت والله وأتألم وعلى هالحال لصبح وزوجي ماغير يدلك ضهري!
الفجر كانت امي صاحيه ودخلت وقلت لها قالت طلق تحملي لما يشتد. . وسكت ورايحه جايه بالبيت والألم نفس ما هو يروح ويجي! وما اشتد
وزوجي مع امي رافضين يودوني لما يشتد الوجع
الساعه عشر باليل قلت لهم خلاإاإاإص تكفون ودوني تعبت ماقدر وقعدت ابكي
قال زوجي خلاص ودوها انا ما اروح اخاف من المستشفيات!
رحت انا وامي واخوي!
وصلنا كشف الدكتور قال الضغط مرتفع ليش ياماما من رافع ضغطك ارتاحي. . كشف قال ماشاء الله 3 سم ولاده خلصو اوراقي استدعو زوجي عشان يوقع توقعت ما يجي بس الوضع متأزم خخخخ
سحبو دم وانا دمي ناشف والنيرس تدور عرق فيه دم وذبحتني كل شوي مكان!
صعدوني فوق ونوموني وكل شوي دكتور وكل شوي فحص وانا ميته من الطلق البارد زاد الوجع بس كان متباعد!
المهم من الساعه 10 الى الساعه 6 الصبح وانا على هالحال وجاني الدكتور فحص قال 5 على غرفة الولاده!
هنا انتهيت من الخوف!
ورحت الغرفه وكانو في حريم مدري خالصين او لسا مريت من عندهم وانا متفاجءه عطوني غيار قالو البسي ورحت لبست!
وطلعت ولا الدكتوره جت مصريه يممممه من شفته قلت شكلي بولد من الخوف ومعاها دكتور جنبها نفس الشكل مرعب!
قالت انتي ايش جايبك هنا!
قلت ولاده قالت وتمشي على رجليك واطالع فيها قلت ايه هم قالو لي بدلي ملابسك!
خخخخخ
قالت يالله تعالي ع السرير
وفحصتني وهي تنافخ على اللي جنبي اسكتي ما تدفي حرام تقل حيوانات مو اوادم
وانا اشوف اللي جنبي يصارخون ويشتد الألم وانا لسا نفس الألم
وجابت شي طويل كذا وتدخله فيني وتكب المويه وانا من الخوف منها وصراخها ماعاد احس بشي!
المهم قاست الراس بعيد وانا يأست وطولت بالي قلت شكلي مطوله واﻹلم مطول كمان خليني اتفرج بس
وشوي والا اللي قدامي تصارخ قووه! وانا ينشف دمي! قلت ياويلي!
ياربي هون عليها وابكي من الخوف والحيوانه وانتم بكرامه الدكتوره ما ترحم وتهاوش ما تدفيش بس بس وتصارخ!
المهم لما شافوها قالت خوذوها ولاده وتقوم من نفسها المسكينه وتجلس على الكرسي وياخذوها وانا اسمع الصريخ وشوي ولا اختفى الصوت! قلت الحمدلله ولدت
طبعا انا لسا الوجع يروح ويجي وبارد!
وشوي ولا يجيبو وحده عمره 15 تخيلو الشكل بس ياحرام صغيره مره والله تشوفوها تقولو اصلا مو حامل
جت وسألتها المجرمه الدكتوره انتي متى دورتك قالت مادري!
قالت طيب متى تزوجتي قالت مادري!
قالت كيف ماتدري! وسكتت ياحرام هنا بكيت والله ياربي ليش كذا صغار ويزوجوهم ؟
المهم جا الدكتور والدكتوره وقفو عندي بهدوء وانا مرعوبه ويتكلمون حوالي نصف ساعه
كشفو علي نفس الوضع
وامي وزوجي برا ياحياتي كل شوي يرسلو نيرس تطمن علي!
ولاحظو الدكتوره ما تصارخ علي مو لأن انا ساكته خخخخ لا عشان ولد عمتى مدير المستشفى وموصيهم علي
واسمعها هي والدكتور تقول هذي هي اللي موصينا الدكتور عليها!
قلت الحمدلله يارب طيب والفقيرات اللي جنبي وش حالهم يارب سترك من هالمتوحشه!
المهم
شوي ولا قالت خلاص يابنتي صبرنا عليك كثير ووضعك متعب مره ومن الساعه 6 الى الساعه 1 ونصف ونتي على ذا الحال!
بنحولك عمليه. .. هنا حسيت ودي ابكي ودي احد يلمني ههههه وجت النيرس مسكت اصبعي وبصمتني! طيب لحظه خلوني افكر ؟!
لو سمحتو ههههههه
خلوني استرخي شوي. . ؟ قولولي قرري خلوني احس بالأمان ههههههه
مجزره مو مستشفى ؟
ركبولي القسطره وقالوقومي على السرير الثاني!
وع كيف امشي ؟ ماعرف المهم ركبت السرير الثاني مدري كيف ؟
غطونيحتى وجهي وطلعوني عند الباب اسمع صوت امي وزوجي من تحت الغطاء وامي تناديني تقولي ماما لا تخافين الحين عشرين دقيقه وانتي مخلصه وزوجي يقولي انتي تسمعين ؟
قلت ايه وخايفه ومن سمعت اصواتهم قعدت ابكي ابي احد يضمني! ؟
احس بموت!
دخلت العمليات جردوني من ملابسي!
ما اقولكم متوحشين
وخفت واستحيت وكلهم رجال وممرضات 2 المهم بدو
ناس ماسكه ايدي وتثبت وناس ماسكه رجولي وتمسحهم بمويه بارده وناس تلصق على جسمي تبع النبض وانا كأني ميته خخخخخ
وجابو الكمام. ..!
وحطوهعلي والدكتور قال ماما اقري وراي
وانا اقرا حسيت بشي كأنه يمشي بيدي ومن وقتها ماعاد حسيت بشي!
الا وقت يصحيني الدكتور يقولي ماما قوم جبتي ولد مبروك واطالع فيه وارجع انام وبعد ساعتين صحيت!
قعد بغرفة العمليات اربع ساعات نايمه خخخخخخ
وولدي طلعوه من عشرين دقيقه ؟
واهلي خايفين برا يسألون ليش ناني ما طلعت والنونو طلع والدكتور يحلف انه مافيني شي بس نايمه واهلي وزوجي مصرين ليش الحريم دخلو بعدي وطلعو وانا لسا!
والدكتور والممرضات يحلفون لهم ههههه
والمهم صحيت بعد ساعتي من مزاجي وطلعوني واسمع صوت امي وزوجي ويوم طلعت وهم يصارخون كأن المنتخب مسجل قووول خخخخخ
ومبروك وانتي صاحيه وفيك شي ؟ وانا ايه ايه وابتسم لهم خخخخ
والحمدلله على كل حال جابولي نونوتي من اول مادخلت الغرفه وما اخذوه وياحياتي صحيح لو قالو كل شي يهون. ،،
تنومت يومين وطلعت للبيت والحمدلله صحتي تمام التمام وحبيبي كمان
والحمدلله حسيت ان القيصريه اريح من الألم حتى لو كان في الم بعدين بس الم يوم واحد وبس تمشي يخف كل شي!
واللي اختاره الله هو الخيره
ادعولي يجف الجرح بسرعه واقوم واصوم لو نصف رمضان
واليوم لي 14 يوم من والده
والحمدلله رب العالمين