ام زوجي

[ثقتي بربي تغمرني]

السلام عليكم
شلونكم ؟؟؟
راح اكتب لكم مشكلتي بس اني ما اعتبرها مشكله لاني مو مهتمه بس ابي رايكم
اني متزوجه صار لي ثمان شهور هذا الله يسلمكم ام زوجي تبيني كل يوم انزل اقعد معاها حتى لو اني مريضه او تعبانه واذا مانزلت تسوي لي سالفه حتى لو اقول ليها كنت مشغوله تقول لي شنو هالشغل اللي عندش ( في قاموسها الوحده اللي ما عندها اطفال ما تنشغل وبيتها ما يتوسخ) واذا هناك وحده من نسوان اولادها تزيد . من زمان ما شفناك وكأنك مسافره و....... احسها تبيهم يكرهوني وبعد كله تقول تهربين عنا يوم الجمعه ما تقعدين ويانا (اني يوم الجمعه اروح بيت. اهلي ) قلت ليها اهلي ما يشوفوني الا في هاليوم...
ولاحظت شي ونقهرت. انها تزور مرت ولدها واحنا لو ما تشوفنا شهر كامل ماتزورنا وكله تقول ما تقدر تركب على الدرج وهي تقدر تركب ليها واني صار لي اربعة ايام ظهري يألمني ومانزلت وتدري عني مريضه ولا كلفت نفسهلاا وزارتني لكن لو مرت ولدها الغاليه تكرض تزورها
وبعد بقول ليكم شي دائما تقول الى نسوان اولدها انشاء الله تحملون حتى لو من باب المزح واني ولا مره سمعتها قالت ليي وهم عندهم اطفال واني ما عندي ولا تقول ليي
الصراحه اني كرهتها من هالتصرفات اللي تسويها معاي مع اني ماسويت ليها شي ولا ضريتها بش وكله اسولف معاها واضحك ولا كأن صاير شي واهديها هدايا لمن رجعت من السفر عطيتها هديه والحين تقريبا كل يوم انزل وبعد احس ما يعجبها العجب
اني احيانا اضايق وحتى اقعد ابكي اذا رحت شقتي بس الحين ما اهم نفسي واحس تعوت على هالشي واقول ما عليي منها اهم شي زوجي يحبني وهي ما ابي محبتها