انا سرت ام كيف انظم وقتي

[حارت أفكاري]

سلاااام ..

عادي حبيبتي لا تقلقي .. انا كنت مثلك وكنت احاتي دا الموضوع .. لاكن سبحان الله كل شي يتسهل بعدين ..

شوفي حبيبتي :. حاولي تنظمي وقتكــ ..

اول شي نومت الطفل ودي عندي مشكلة للحين ما ادري متى ينتظم .. المهم وقت اللي ينام على طوووول قومي وبدي اشغالك من الى وقبل ما يصحى الطفل .. غسلي ثياب , اطبخي , استحمي , سوي شعرك , نضفي البيت .... اي شي بدك ياه تقدري تسوي اكثر من شغلة في نفس الوقت وعلى السريع وقبل ما يصحى الطفل .. وكل ما نام شوي انتي كملي شغلك ..

حتى ينبسط زوجك قبل ما يرجع من العمل حاولي يكون البيت مرتب والأكل جاهز و الطفل نظيف ومحمم وانتي بعد كوني مرتبة وحلوة وخلك مبسوطة ومبتسمة .. وقابلي زوجك بأبتسامة ومثل ما كنتي تستقبلي قبل الولادة . لا تحسسي انك مشغولة عنوا ابد ..

بتقولي متى يمدي اخلص كل هدول لا تخافي يسهلها رب العالمين ..
انا من ناحيتي اطبخ الغدا اخر الليل لأنه طفلي يسهرني و اغسل الملابس .. واصحي زوجي للعمل يفطر ويطلع و ثم انظف الشقة سريع وتروش وانام مع البيبي و يكون النوم مأساوي كل شوي بتصحي لطفل .. انا الحين تعودت على النوم القليل ..
المهم واصحي قبل ما يرجع زوجي من العمل ب 3 ساعات و اروش ابني و اعطي رضاعتة . وبعدها اجهز بقيت الطبخة الغدا و ثم اجهز حالي وامشط شعري وارتب بقيت العفسة اللي سوينها وخلاص ..

اذا نضمتي وقتك بيكون كل شي تماام ..

واذا على الطلعة والوناسة عادي لا تحاتي ابد ..
كوني مجهزة شنطتك على طول فيها منشقة صغيرة + حفاضات + فصخة احتياط لطفل .. << هدول خليهم على طول قي شنطتك ..
وقت اللي تقرروا تطلعوا ما عليك الا تحطي لك رضاعات وحافضة الحليب وغرشة ماي ..

البيبي بيكون مرتب صح .. ما عليكم ولا تحاتوا اطلعوا وانبسطوا والبيبي بيخلكم تنبسطوا اكثر .. لا تحاتي

وخلي عندكم عربانه لطفل جاهزه في السيارة لاتشيلوها .. حتى ما تتعبوا وانتوا تتمشوا ..

وما يحتاي اوصيك زوجك متعود على الدلع دلعي لا تحسسي انك مشغولة مع الطفل ابد ..

　
وبس ..