كيس بدون جنين

[ام جودي3]

السلام عليكم ورحمه الله وبركاته
في بدايه زواجي حملت واجهضت وبعدها حملت ببنتي وبعدها حملت ببنتي الثانيه
وبعدها اجهضت مرتين واخر شي حملت بكيس بدون جنين
في البدايه بعد الكشف قالت الدكتوره هذا بدون جنين لازم ينزل بس بعطيك مهله اسبوع
وارجع اشوف مره ثانيه كان عمر حملي وقتها شهر ونص
بعد اسبوع رجعت لها قالت برضوا بدون جنين بعطيك اسبوعين زياده ونشوف بعدها اعطيك ابره عشان ينزل الكيس
انا بغيت انجن وكثير قالوا لي روحي لحرمه تقراء عليك وانا خفت مع القرائه ينزل الكيس
حتى زوجي رفض نهائي اني اروح قال خلاص ربي ماكتب
قلت لأمي الله يحفظها لي عن كل شي قالت ماعليك القرائه مافيها شي بأذن الله
انا راح اوديك لحرمه تقراء عليك طبعا زوجي عصب جلست ابكي قلت ان نفعتني القرائه او ماظرتني
انا ماسمعت لزوجي ورحت للحرمه مع امي
وقلت للحرمه اني اسوي اشاعه ويطلع الكيس فاضي بدون جنين
المهم قرت علي اسبوع متواصل واعطتني قرايه وقلت القرايه مو كويسه عشان الحمل قالت هذا كلام الله فيها وشلون موب كويسه
توكلت على الله وكملت قرايه عندها وشرب المويه اللي عطتني اياها
واللي حصل

























رحت للدكتوره بعد الاسبوعين اللي حددتها لي عشان تشوف
نمت على السرير وانا قلبي يرقع رقع
وسوت الاشعه وقالت الف الف الف مبروك والحمد لله الجنين باااااااااين وواضح انا تغارقت عيوني مو مصدقه
حمدت ربي كثير
وبصراحه كنت عامله حسابي اني ادق الابره عشان ينزل الكيس

طبعا وقتها كان عمر حملي 3 شهور تخيلو 3 شهور وتوه يبين الجنين
الحين عمر بنتي الصغيره 3 سنوات ونص
طبعا هالسالفه من زمان بس حبيت اقول لكم اذا فيه احد صار معه نفس الشي
تتكل على الله سبحانه وتروح لحرمه تقراء عليها ولا تستعجل تنزل الكيس
وسلامتكم