هل اللاب توب خطر؟

[فوفو85]

اقروووووو هذا الموضوع منقول لعيونكم
انا حملت شهرين وما كملت فرحتي
اللهم لا اعتراض على حكمك
بس انا بجد تعبت لانه حملي مش طبيعي
انا عملت 3 عمليات طفل انابيب وقلت الحمد لله نها نجحت التالتة بعد جهد ومصاريف ما يعلم فيها الا الله
وكنت اخد علاج تثبيت وابر هيبارين وفوليك اسيد وشغلات وكنت متابعة دايما مع الدكتور بكل شي
وكنت مرتاحة طول الشهرين كأني مروحة من العملية قبل شويا واكيد طبعا ما صار جماع
لانه هدا شي منتظر من زمان
انا صارلي متزوجة 6 سنوات
المهم رحت على الدكتور وقاللي انه في نبض ووضع الجنين تمام جدا
بعد كم يوم نزل عليا افرازات بنية
كلمت الدكتور اسأله على الافرازات عاي فقالي تعالي عشان يعمللي صورة تلفزيون على غير موعد مع الدكتور
رحت وصورني الدكتور وانصدم قاللي انه للاسف ما في نبض
انا انهبلت وزوجي انصدم كتييييييييييير
والدكتور نفسه مش لافي سبب لهلاك الجنين وهو في بطني
وتحير نه كل شي كان ماشي تمام ليش يصير هيك
لدرجة انه شك بالعلاج اللي كنت باخده سألني من وين بتشتريه يعني الصيدلية
وهدا شي ما بينشك فيه لاني كنت دايما اقرا العلاج قبل ما اخده وكنت مركزة بهيك شي
تخلو لدرجة انه الدكتور من كتر ما هو مش لاقي سبب
قاللي ما حلمتي احلام مزعجة بهاليومين
هو بيقصد انه محتمل يكون في قرينة هيا اللي قتلت الجنين في بطني
فقلت لا ما حلمت بشي مزعج
فانا شكين بحالي ورحت لشيخ بيعالج بالقرأن وموثوق منه طبعا
فقاللي انه ما في قرينة
وهو اللي قاللي سبب الاجهاض
قاللي انه من اشعة اللابتوب
لاني ونا حامل طول اليوم مرتاحة بالسرير وحاطة اللابتوب جنبي
فحكيت للدكتور وقاللي شي علمي ومقنع
وانه لجنين سحب اشعة ضارة من اللاب عملت على هلاكه في بطني
وضليت كم يوم مش راضي ينزل الجنين طبيعي
لاني كنت ماخدة تثبيتات وابر
والدكتور قاللي لازم اعمل عملية تنظيفات
ياااااااااااااه ما اصعبها اكون محافظة على حالي طول الشهرين وخايفة انه ينزل وبهالوقت قاعدة باخد علاج وبشرب قرفة وبخبط ببطني عشان ينزل
وعطاني علاج قبل العملية بيعمل على فتح الرحم لتسهيل العملية
وعملت العملية
والحمد لله رب العالمين على كل حال
اوقات بقول يا خسارة ما كملت فرحتي
واوقات تانية بقول الحمد لله ربنا رحمني ونزل لانه لو ضل كان صار مشوه او فيه اعاقة
الله يبعد عنكم
ياااااااااااااااارب
ربنا يصبرني ويصبر كل ست مرت بهيك شي
ب انا حابة انكم كا تستهينو بموضوعي وتقولو اللابتوب ما بيعمل هيك
انا حابة انصحكم تحمو حالكم واولادكم من الاعاقات (اعفاني واعفاكم الله)
وربنا يعوضني باحسن منه
وان شاء الله يكون كرم ربنا وفرجه عليا قريب
اللهم امين
سامحوني طولت معكم
بس الله يرضى عنكم تعتبروها نصيحة من اخت غالية عليكم
وربنا يعوض علينا اجمعين