تجمع حبيباتي الكروشات اللي راح يولدون بشعبان

[na3ooma]

المشاركة الأصلية كتبت بواسطة عشقي الاطفال

بنات انا احس بدوخة وتعرق واشوف الدنيا سودا قدامي بس توقعت فقر دم

ولما روحت الخميس المستشفى قلتلي الدكتورة لازم اعملك تحليل سكر وسويت تحليل وطنشت مااخدت النتيجة

اليوم قلت خليني اشووف النتيجة وتوقعت مافيا شيء لانو دايمن كونت اعمل وتمام الحمدالله اخر مره عملتو بالشهر الخامس

والصدمة سكري 144 مرتفع قلتلي وخوفتني مرررررررررررره

قلتلي السكر سم الطفل وممكن يوقف نبضو بأي وقت انا مابقولك عشان بخوفك بس عشان تحذري وتبعدي عن الحلويات والنشويات

وعشان مايستمر معاكي بعد الحمل

وقلتلي ممكن مايكتمل النمو وخاصة الرئة حسيتها مبالغه ولا صح كلامها مااعرف

وانا مادري انو فيا سكر اليوم بس اكلت 4 ايسكريمات فطوري ايسكريمات

وشربت علبة بيبسي


المهم سؤالي عام للكل وخاص لنعومة لانو معاها سكر

كم معدل السكر الطبيعي للحامل وهيا صايمة

وكم معدلو وانا فاطرة

وامانة ادعووووووووولي ربي يتمملي واشوف بنوتي بصحة وسلامة

ماهمني نفسي قد ماهمني بنتي

مع انو صدمة عمري لو استمر معايا السكر وانا لسه 20 سنة

ي رب لاتفجع احد فينا ويفرحنا يارب بشوفة نونوهاتنا سليمين معافين بين احضاننا

ويشفي كل وحدة فينا من اي مرض تحس فيه يارب

هلا حبيبتي
اولا الف سلامة عليكي ماتشوفي شر ابدا
لا تخافي ترى مزودتها الدكتورة علشن تخوفك وتنتظمي

اول شي اللي رفع نتيجة سكرك الجلوكوز .. انا جربت الشي دا من جد شي مو طبيعي
وحاليا يوم بعد يوم احلل سكر صايمة وبعد الاكل بساعتين ... ولا اي تحليل فيهم وصل للي شفته في المستشفى ....

اشتري تحليل البيت ترى مفيد ,,
لما تحللي وانتي صايمة لازم يكون اقل من 95
ولما تحللي بعد الوجبة الرئيسية بساعتين لازم يكون اقل من 120

وانا خفت زيك وخفت على بنوتتي بس الحمدلله ثقتي بربنا كبيرة وكمان لاتنسي تحليل المستششفى تقيل مره مو زي اكلنا

واطمنك اكتر , امس شربت بيبسي واكلت تويكس
لاني لقيت المعدل حق الصيام والفطور اقل .. مافي شي يخوف
كلها خربطة هرمونات وباذن الله تروح بعد الولادة

الخوف كله لما يكون سكر هو زيادة حجم النونو , وقلت للدكتورة ترى انا عيالي اجيبهم 3 ونص يعني لو معايا سكر ايش حجيب هههههههههههههههه

ونصيحه خففي الايس كريم , ولو يكون يوم بعد يوم كويس
والبيبسي انا اشتهيته وماشربته من زمان .. يعني لو مره بالاسبوع كويس وخلاص هانت مابقى شي ..بعد الولادة ان شاء الله نجيب كرتون بيبسي في المستشفى هههههههههههه

والاكل عادي مررره لا تدققي الا بالحلويات بس لان الاكل عادي مايرفع السكر
حتى التمر ترى مايرفع السكر كليه ..
وهذا من تجربتي من كثر ما احلل في البيت بعد كل نوع اكل لحد مااكتشفت ان الشي الوحيد اللي ممكن يرفع السكر شوية هو الرز المصري والبطاطس المقلية لو اكلت كتير منها .

وربي يستجيب منك وتشوف مواليدنا سليمين معافين بعيدين عن الامراض ويسهل ولاداتنا ونشوفهم باحضاننا على خير يارب العالمين