سؤال عن كيفية استخدام ميزان الحرارة لمعرفة التبويض؟ ضروووري

[بسبوسة زوجها]

[QUOTE=بنت صيدا;2234786]وعليكم السلام
ما بعرف عن هالميزان جديد عليي انه يقيس عن طريق الجبين .. عالعموم انتي المهم تستعملي نفس الميزان يوميا وبنفس الوقت تقريبا في الصباح طبعا ما بتفرق اذا كان الفرق دقايق يعني انا بقيسها كل يوم اول ما اصحى الصبح عالساعه ما بين 7 ونص و 8 ولو كنت حابه انام زياده بقيس حرارتي وبسجلها وبرجع بنام .. المهم كمان انك تكوني نايمه نوم عميق مش اقل من 3 اربع ساعات وبينفع تقيسي حرارتك من رابع يوم الدوره بس شرط تسجلي حرارتك كل يوم .. اما الدرجه الطبيعيه للجسم فكل انسان درجة حرارته غير عن الثاني وبفصل الشتاء رح تكون درجة حرارتك غير عن الصيف كمان يعني ما في درجه ثابته والمهم كمان انه قياس الحراره يكون بدون ما تعملي اي حركه وتكوني لسه نايمه على السرير وقبل ما تنزلي من السرير وتوقفي على رجولك يعني جهزي كل شي الميزان وورقه وقلم جنبك قبل ما تنامي
.. اللي رح تلاخظيه انه درجة حرارتك رح تتأرجح ما بين ثلاث او اربع درجات مئويه يعني مثلا اول يوم الدوره رح يكون اخفض درجة حراره للجسم حنقول مثلا انا كنت الشهر اللي راح 36.3 وبقيت تتأرجح ما بين هالدرجه وال 36.6 يوم تنخفض ويوم تزيد بس ما تعدت ال 36.6 لكن بيوم من الايام صحيت وكانت درجة حرارتي 36.8 ومن بعدها صارت 36.9 ووصلت من بعدها 36.8 عرفت ساعتها ان التبيوض صار وهالمعلومه مهمه كتير لان الكل بفكر ان يوم ارتفاع الحراره هو يوم التبويض لكن المعلومه الصح ان يوم التبويض هو اليوم السابق لاول يوم ارتفعت فيه الحراره .. ولاحظي لازم تبقى الحراره مرتفعه لاكثر من 3 ايام حتى تتأكدي من ان التبويض صار
من بعد هالفتره رح تلاحظي درجة حرارتك بقيت مرتفعه من فوق ال 36.7 يعني ما رح ترجع تنزل للدرجات اللي كانت عليها قبل التبويض .. لكن في نساء بصير معن بيوم اخصاب البويضه و تعلقها بجدار الرحم انه تنخفض درجة الحراره لمدة يوم واحد لاكثر من 3 درجات مئوية بس مو شرط هالشي يصير لحدوث الحمل
اللي لازم تلاحظيه درجة الحراره قبل الدوره المتوقعه بيوم اذا لقيتي انه درجة حرارتك بدأت بالانخفاض معناها خيرها في غيرها وان الدوره حتشرف
لكن لو لاحظتي ان درجة حرارتك عم ترتفع اكثر ووصلت لفوق ال 37 مثلا يعني بإذن الله تم الحمل وخصوصا لو صار الارتفاع لاكثر من 14 يوم كمان
طبعا هالشي رح ياخد منك 3 اشهر تقريبا حتى تحددي فترة التبويض تبعيتك اللي هي رح تكون يومين قبل التبويض ويومين بعد التبويض وهي الفتره الخصبه ساعتها رح تعرفي الايام المناسبه للحمل ..
ودرجات الحراره رح تعطيكي ايام دروتك المزبوطه شهريا .. بحب قللك كمان انه لازم تلاحظي عدد الايام من يوم التبويض الى اليوم السابق للدوره الشهريه اللي بعده واللي هي لازم تكون من 10 الى 17 يوم وهي تقريبا ثابته كل شهر
يعني لو صار التبويض عندي يوم 16 بزيد عليها 11 يوم وبعرف انه دورتي الشهريه كانت 27 يوم ولو صار التبويض عندي يوم 18 بعرف ساعتها انه دورتي جايه بعد 11 يوم يعني رح تكون دورتي هالشهر 29 يوم لانه الفتره عندي ثابته وهي 11 يوم
بتمنى اكون شرحتلك شرح وافي .. وبقدر ساعدك كمان اذا بدك واذا بتعرفي لغه انجليزيه منيح .. اني اعطيكي موقع رح يساعدك كثير في هالموضوع لانه كل اليي عليكي تسجلي حرارتك يوميا وهو رح يحددلك تبويضك ايمتى صار راسليني عالخاص لو حبيتي


رح احطلك رسم بياني لدرجات الحراره الي شخصيا
طبعا هالشهر ما كتب الله انه يصير حمل فيه
بس رح تلاحظي فيه كيف درجات الحراره صارت







اليوم المعلم بالخط الاحمر هو يوم التبويض كان واذا بتلاحظي يوم ال 24 من الدوره ارتفعت حرارتي كثير هالشي كان لاني مرضت يعني لازم تاخدي بعين الاعتبار الظروف اللي ممكن تأثر على درجة الحراره ولاحظي كيف بعد 11 يوم من التبويض نزلت حرارتي وفعلا بيوم ال 12 نزلت علي الدوره يومها


رح احطلك بنفس الوقت رسم بياني لاثنين من صديقاتي عن طريق الموقع ما شاء الله تم الحمل عندهم وشوفي كيف الفرق







طولت عليكي بالشرح كتييير بس حبيت اعطيكي كل المعلومات اللي عندي واللي اكيد تعلمتا من دكتوري و من خبرتي الطويله مع درجات الحراره ههههههههه
واذا في اسئلة بعد ما تترددي اسأليني على طول [/Qالله يعطيكي ألف ألف مليون عافية شكرا ياروحي عالشرح المفيد والوافي انا هلق الي ٣ ايام مخلصة الدورة وطول دورتي ٢٤ يوم ومن اول يوم من بعد الدورة درجة حرارتي تتراوح بين٣٦،٢ و٣٦،٦ يعني يوم التبويض تحديدا كيف بعرفو اذا درجة حرارتي بقت مرتفعة لان دكتور زوجي قلنا ركزوا على يوم التبويض بالذات واذا ماارتفعت حرارتي يعني مافي تبويض؟واي يوم تتوقعي اباضتي كانت دورتي ١٥ هاد الشهر واستمرت خمس ايام وانا دورتي كتير منتظمي بتجي كل ١٩ يوم وتستمر ٥ ايام ؟ بتمنى تجاوبيني وماقدرت شوف ردك لليوم لان كنت مسافرة وشكرا كتير الك ولكل البنات يلي جاوبوني الله يجزيكن الخير وينولكن يللي بتتمنوه.UOTE]