الزمن و الناس علينا !! عقليات غريبة !! حسبي الله و نعم الوكيل .

[Night]

السلام عليكم ورحمة الله وبركاته

استغرب من الناس الي تعتبر المتأخرات كأنهم داء أو بلاء أو ممكن نقول نحس !!
بالرغم اني اذا سمعت عن وحدة حامل سواء كانت متأخرة أو ماصار لها فترة من تزوجت
أفرح فرح كبير و كأنه انا الي حامل , لانه ما اتمنى اي شخص يمر بالي انا مريت فيه !!


مرة لاحظت بنت خالتي تعبانة و جهة اصفر و بحسن نية أسالها خير تعبانة !!؟؟ , تعلثمت و قالت لا تعبانة شوي , و بعد كم شهر سمعت من أمي انها ولدت و جابت بنت ؟!! يا سبحان الله يعني يوم الي سألتها كانت يمكن في 5 أو 4 !!


أنا زوجي ما عنده الا أخ واحد و زوجة أخوه تزوجوا بعدنا بسنة تقريبا و الحين عندها ولد

هذي الانسانة دائما من تشوفني تتكلم عن حملها و شلون زوجي متعلق بولدها وانه دايما اذا يشوفه يتلهف عليه و انه يحبه و دايما اذا تشوفني تسولف عن هذا الموضوع و تلمح و تقول لاخت زوجي تحملي في ولد اخوكِ ما عندكم الا ولد هالاخ تحملوا فيه زين و هي تطالعني مدري كيف !! و تجرح بكلمات و الله يتقطع قلبي منها !! حتى مرة من المرات أمي زوجي تضايقت من التلميحات و حست انها تلميحات تقصد منها تزعجني و ترجرحني و حاولة تغير الموضوع لكن رحت تحوم على نفس الموضوع ,,., و الله يا بنات اني ما اقول حسبي الله و نعم الوكيل في ناس قلوبهم حجر و لا يفهموا انه هذا شيىء من رب العالمين !!

بالرغم ان كل اهلي اذا يشوفني يدعون لي و يتكلمون عن اولادهم ما احس انهم يجرحوني بس هذي بالذات دايما تجرحني و تقطط علي حجي يجرحني و تلممح لي ان زوجي متلهف على الاولاد مع انه ما خصها فيني ولا في زوجي !! شنسوي في هالعالم المريضة هم و الزمن علينا !!


و كأنه الشي بادينا !!