دردشة حوامل الأحساء- تجمع بنات الأحساء - الحسآويآآت

[الدر المصون]

السلام عليكم و رحمة الله
صباح الخيرات يا بنات
كيفكم مع التعب ان شاء الله طيبين
انا من امس وانا اطارد في المستشفيات من الآلام الي جاتني
في يديني و رجولي و على بالي انه من تكسر الدم
و في الأخير امس قالو لي ان التحاليل تظهر نقص في الكالسيوم
و سألتني اذا اخذ حبوب الكالسيوم او لا
قلت لها لا ما وصفو لي الا حديد و فوليك من اول الحمل الى الآن
قالت مفروض يعطونك كالسيوم
قلت لها تكفين ابي شي يخفف الألم لأني تعبت بالمره
قالت هذا طبيعي لأن الكالسيوم نازل شديد و هذا مو زين للحامل
طبعا فحصت الجنين و كل شي تمام يا ربي لك الحمد و الشكر
و عطتني ابره تخفف الألم و و ما حسيت هالابره سوت شي مامنها فايده بالعربي
الى الآن الألم في رجلي مو قادره امشي منه
المهم عطتني ورقه للمركز الصحي عشان يوصفون لي كالسيوم
فــــــــــــــــــــــــاشلين هالمركز
تقول لي مو نازل كثير و ممكن الحين بس نازل << ودي صفقتها على خنفرتها
قهرتني نتايج التحاليل تعطيني اياها متناقضه
مره قالت لي دمك نازل و الشهر الي بعده قالت ان الشهر الي فات دمي كويس و الحين نازل << وش هالخنبقه يا ناس
الي حصل اني قلت لها انا ابي كالسيوم الحين
و وصفت لي كالسيوم فوار وانا ببالي انها بتوصف حبوب
مدري وش السالفه بس اهم شي تعطيني كالسيوم

طولت عليكم يا حبيبات اعذروني بس حبيت اسولف و افضفض
و اعطيكم التقرير عني والله يسهل علينا و يريحنا جميع
دعواتكم فديتكم