(رَبِّ هَبْ لِي مِن لَّدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاء)

[أمنية ..]

يا عمري يا شموخ ، صباح الخيرات حبيبتي .. يا رب بحق يوم الجمعة وفضله عند الله ، يرزقك الطفل إلّا يملّي عليك وعلى زوجك حياتكم ..

سبحان الله ، أنا كمان اليوم صار يوم سادس الدورة لي ، إن شاء الله نفرح هالشهر ثنتينانا بحمل سليم معافى ، وما راح أنساك من دعائي في ظهر الغيب ،،

أنا صار لي متزوجة سنتين و٩ شهور تقريباً ، في البداية ما كنا نفكر في بيبي .. كنت مشغولة في الدراسة وزوجي ما وده في المسؤولية على طول .... الحين تخرجت وصرت فاضية ، ونتمنّي بيبي يملّي علينا حياتنا .. صار لنا تقريباً أكثر من سنة نحاول ، وتابعت مع أكثر من دكتورة وبشكل متقطع ،،، بس الحين أنا جادة في الموضوع ومنتظمة مره مع دكتورتي ..

أنا عندي تكيّس مبايض ، وكمان عامل لي زيادة في الوزن ، نقصت تقريباً ٦ كيلو ، وراح أحاول إن شاء الله أنقص أكثر !

جرّبت الإكلوميد ٥٠ ، ١٠٠ ، ١٥٠ / بس ما نفع أبداً .. ما وصلت للتبويض السليم معاه !

وبعدين جرّبت الأبر المنشّطة بورجيون ، أول شيء ٥٠ بعدين زودتها الدكتورة لـ ١٠٠ ، بصعوبة وصلت الشهر الأول للتبويض .. وعطتني إبرة تفجيرية / وما صار حمل ، رحت لها الشهر إلا بعده وصار عندي أكياس في المبيض بسبب الأبر ، وعطتني حبوب منع حمل لمدة ٢١ يوم .. استمريت عليها وراحوا الأكياس ،،
لما نزلت الدورة بعد الحبوب ، خذت الأبر للمرة الثانية ، بدّيناها على طول ١٠٠ ، ووصلت للتبويض بشكل سليم وفعّال ، وخذت إبرة تفجيرية / بس كمان الله ما كتب لي الحمل ..

والحين بدأت مرة ثالثة الأبر المنشطة ١٠٠ من يوم الأربعاء ، وموعدي للإبرة التفجيرية الجمعة الجاية / دعواتكم الله يكتب لي الحمل وجميع المحرومات يا رب ؛

مرّة كويس أنّك نزلتي وزنك / وشو نظامك بالضبط ؟