ابي حد يكون جنبي ويخفف عني الضيق اللي فيني

[المتفائلة دوماً]

مراااحب بنات ،، كيفكم عساكم دوم مرتاحين ..

ماعرف كيف راح ابدأ ... راح أدخل طواااالي ...

أنا ما النوع اللي يحب يتذمر ويشتكي بس وش أسوي مايلي غير الله وغيركم .. إذا شكيت لأهلي أمي وخواتي راح يعيشون بضيقة مثلي ونا ماأحب أجيب الضيق لأي مخلوق دايماً أحب أكتم بداخلي أتضايق وأصييييييح وأصطفل بس صااار لازم فيني شوي أطلع من اللي بداخلي ...

جايز البعض يعتقد اني مكبرة السالفة وماتستاهل هي صح شوي عاادية بس صرت ماتحمل خلااااااااااص نفسيتي دااااااااون تعبت ..

انا من تزوجت صارلي سنه وربع بعد حتى ما ونص .... المهم ،، شرطي قبل الزواج اني أعيش بيت بروحي انا وزوجي بس لما شفت ان تكاليف الحياة شوي راح تكون صعبة علينا قررت اني اعيش مع أهله واقتنعت ع أساس انها راح تكون فترة جداّ وجيزة وراح نطلع طوالي لبيت ملك ..

أهل زوجي ناس طيبين جداَ ومتفاهمين ويحترموني كثيييير وأحترمهم بس المشكلة اني للحين ماقدرت أتأقلم معهم 100% ،، صحيح نجلس مع بعض أحياناً ونسولف بس بداخلي والله ما مرتاحه أبد بالرغم اني أحب زوجي وهو يحبني ونحترم بعض بس السالفة وما فيها اني مزاجية بشكل وما بكل وقت أحب أجلس معهم يعني معظم وقتي بغرفتي أو بيت أهلي بس طبعاً أكون بيت أهلي لما زوجي يكون بالدوام وأول مايخلص من الدوام يجي ياخذني ومن الطبيعي ان راح نقضي بعض الوقت لحالنا ...... من هنا العقدة !!!

أهله يظنو اني انا ماأحب أجلس معهم كثيييييير وكله يقولو اني يا بالغرفة أو عند أهلي مع انهم ما من النوع اللي يحب يتدخل بالأمور الخاصة إلا بهالنقطة ليييييييييش ؟؟؟؟ وش يخصكم ؟؟؟ ما أحسن تدخلو الغرفة وتشوفو وش جالسين نسوي أنا وزوجي !!!

ياناس ياعالم إفهمو وقت زوجي معظمه بالدوام يوصل البيت المغرب يعني نقضي يمكن يااادوب ساعة ونص أو ساعتين بالغرفة ونطلع راح تشوفو أشكالنا وش بعد !!

وطبعاً معظم أيام إجازتي أقضيها ف بيت أهلي بس إذا زوجي بالدوام.. وكالعادة إذا هو بالبيت طبعاً نكون سوى ... عاد مره أمه انقهرت وقالتله من وراي طبعاً :: انت ماقادر تتحكم بزوجتك كله هي اللي تمشيك ( تخيلو بس عشان كثرة روحتي لبيت أهلي) ليش تسمحلها تروح دايماً يعني نحن ما ناس هي تجلس معنا ....

والقهر اني قدامي عااادي كوووووووول تسولف وتضحك وتمزح معي ونا مرتاحتلها كثيييييييير وقت الفراغ عااادي أجلس معهم بس تعرفو انا أداوم وأول ما أوصل يلي خصوصياتي يعني لازم أكون شوي بالغرفة وعاد انا من النوع البطيء جداّ ...

بإختصاااار ضاق خلقي ... أريد أعيش بيت بروحي فأقرب فرصة بس المشكله عنادي وما ريد بيت بالإيجار (لأنه بصراحة مكلف كثيييييير وبدون فايدة) وبيت الملك أقل شي يحتاجله سنه كاااملة لحد ماتخلص كامل الإجراءات ...

حد يخفف عني همي والله صرت أتضاااااااااااااااايق مووووت أول ما أدخل البيت أحس أني بديت ماطيق أدخله بالمرة ولما شوي بس ألمح عن سالفة بيت الملك قدام خواتي ياكلوني ويقولو هذيلا ناس زينين وخلي عنك هالخرابيط ماشي أحسن منهم ... وانتي مرتاحة معهم ..

ياناس أريد أحس بالاستقلالية بالحرية أريد أحس اني فعلاً متزوجة ومسؤوله عن بيت وزوج .. تعبت من هالحاله والله أحياناً أجلس لحالي وأصيح .. تخيلو انا مامتعودة لأسلوب حياتهم بالمرة يعني كل شي أسويه بالغصب حتى بجلساتهم سوالفهم غير شكل أبد ماتدخل مزاجي ... سنه ونا أحاول أني أتأقلم بس للأسف صعب صعب والله صعب أحس طبعي غيييييييييير عنهم 180 درجة !!! وش أسوي ؟؟؟

إسمحولي طولت كثيييييييير لأني جالسة أطلع القهر اللي بداخلي