يآرب ترزق كل من ترد علي بتوأم يملون عليها البيت

[آلمتفآئله بالله]

بسم الله الرحمن الرحيم

أخواتي أنا ضيفه جديده بهالقسسسم
وإن شاءالله أفيدكم وتفيدوني ,, راح أقولكم أعاني من شنو وإيش راح أستخدم وإللي عندها معلومه لآتبخل علي..

أنا متزوجه من سنه وتسع شهور وعمري 20ولسه ماحملت لأني أعاني من أرتفاع في هرمون الحليب وتكيس ع المبايض
راجعت في مستشفى خاص عيادة زاهر وسعاد بمكه وأستخدمت دوبروجين لهرمون الحليب ومتفورمين للتكيس وأستمريت في المستشفى 7 شهور أو أكثر ولاكن بدون فايده لانزل الهرمون ولانقص
وكانت تعطيني أبر منشطه كانت توصل البويضه ل18 بس مايصير حمل تدرون ليش؟لأن هرمون الحليب مرتفع كيف أحمل والهرمون مرتفع حسبي الله عليها كانت بس تبي فلوس لأني سألت دكتور في مستشفى ثاني قال كيف تعطيك أبر والهرمون مرتفع؟
وبعدين تركتها
ورحت لمستشفى النور في مكه عند الاستشاري الدكتور أحمدحلبي
كثييييييير وصفوه لي ومدحوه بسس كنت أخاف أروحله علشان مواعيدهم مررره تطول
بس أتكلت على الله ورحت عنده عطاني حبوب دوستينكس للهرمون وحبوب دايالون للتكيس
وسسبحان الله استمريت على الدوستينكس شهر بس ونزل الهرمووون وصار تمام بس باقي اللحين التكيس
المهم الدوره مانزلت علي وأصلا مو منتظمه علشان التكييسسس
أعطاني حبوب تنزل الدوره وعطاني كلوميد أخذه من ثاني يوم للدوره وعطاني مراجعه اليوم العاشر من الدوره علشان يقيس البويضه

المهم بنات ادري طولت عليكم بس تحملووني تكفون

اليوم نزلت علي الدوره وأنا حاطه برنامج أبي أبدأ فيه بس خايفه ياليت تساعدوني
قلت بستخدم خلطة العسل وغذاء ملكات النحل وطلع النخيل وعكبر وحبة سوداء
من ثاني يوم للدوره لأني شفت مواضيع كثيره بالنت عنها يمدحون في هالخلطه وبنات كثير حملو على هالخلطه من بعد الله طبعا

وكمان سويت خلطة الرويس زيت زيتون مقري وحلتيته وحبة سوداء وأدهن فيها ارحامي واسفل الظهر والصدر

واكل قبل النوم ملعقة رشاد

وراح أشتري عصير أنناس وأشرب بكثره لأني سمعت أنه مفيد للتبويض طبعا لأني أعاني من ضعف تبويض

هذا هو برنامجي بنات الله يسعدكم دنيا واخره إللي تشوف شي غلط ببرنامجي تنصحني

وكمان حابه اسأل عن البردقوش والميراميه سمعت أنها تنفع في التكيس ممكن تفيدوني عنها متى أستخدمها ولمدة كم يوووم؟

بنات أسفه عالإطاله بسس مالي بعد الله غيركم أنصحووني تكفوون

أنتظظظرررر ردودكم بفارغ الصبببر
وييييآرب ترزق كل من ترد علي وجعلها ماتشوف الدوره تسسع شهوور