اسئلة عن الاجهاض لاصحاب الخبرة

[رب ارزقنى الذرية الصالحة]

السلام عليكم احلى اخوات وحبيبات في الله
ممكن الله يكرمكم تكلمونى عن اسباب الاجهاض.

يعنى مثلا يقولك انتى حامل يبقي ارتاحى خالص ...طب ده ليه هل علشان لو الحمل ضعيف ولا عامة؟ وايه معنى "ارتاحى" يعنى متطبخيش ومتقفيش تقلي سمك وتغسلي مواعين وتستخدمى المكنسة الكهربائية وتروحى الشغل وتركبي مكروباص وووووو !!!!...ولا المقصود المجهود المبالغ فيه زى مثلا شيل السجاد طلوع 5 ادوار سلم و هكذا.
انا عاوزة اعرف تأثير الحاجات دى عالحمل ايه بتلخلخ مثلا البويضة المخصبة من مكانها ولا ايه؟

وموضوع الجماع برضه؟

يقولك لازم مرة في الاسبوع فقط طب افرض واحدة مكنتش عارفة انها حامل وحصل جماع 3 او 4 ايام ورا بعض كده هتفقد جنينها؟ ولا مش شرط.

انا بستغرب يعنى مثلا بعد الشر واحدة حامل من حاجة حرام ولا اغتصاب ولا كده تلاقيها تتنطط وتشرب وسخن و و و وسبحان الله مش بينزل.


انا عاوزة افهم الفرق بين الحمل الطبيعي والحمل الضعيف و ايه اسباب الحمل الضعيف وهل في الغالب مش بيكمل ولا اللي مش بيكمل اللي هو المشوه بعد الشر عننا كلنا.


يعنى حابة اعرف خبراتكم واتعلم منكم

وربنا يرزقنا جميعا بذرية صالحة معافاة يارب