قصتي ياحبيباتي كالتالي
متزوجة من خمس شهور ونصف
هاد الشهر صار شي غريب معي نزل علي دم بيشبه دم الدورة باليوم 16 من الدورة يعني بيوم او تاني يوم اباضة لانو دورتي طولها 31
رحت شفت دكتورتي ومن كتر ماخفت اصريت تعملي ايكو ساويتلي ايكو للمبايض والرحم بين معها جريب صغير ببطانة الرحم وشافت انو في اباضة حديثة وخبرتني انو هاد الدم هوي استحاضة مو دورة لانو بطانة الرحم مو سميكة
طمنتني انو وضعي طبيعي وانو هالدم مابخوف وحسيتها كانت شاكة بشي ووصفتلي الدفستون وقالتلي رح ينظم دورتي واذا في حمل رح يثبت ومارح ياثر على حمل اذا صار انشالله ورجعت كررتها مرتين
شكلها كانت شاكة انو بداية حمل والبيضة تلقحت بهداك اليوم بس ماخبرتني حتى مافكر او ماتطلع غلطانة وانزعج
اخدت الدفستون ورحت عمرة وماكنت حاسة باي شي وانتظرت تنزل الدورة بس اتاخرت اربع ايام باليوم التالت صار معي مغص ونخزات كتير قوية باسفل بطني
باليوم الرابع من انقطاع الدورة ساويت تحليل الحمل المنزلي ابو عشرة ريال بعد مافقت الصبح مباشر
ماصدقت عيوني فورا طلع خط زهر غامق والتاني استغرق ثواني بعدو وافتح منو بدرجة كتير بسيطة انا ماصدقت ركدت لعند زوجي قلتلو شوف التحليل في خطين ولا انا بيتهيألي قلي مبروووووووك خطين واضحين كتييييير متل عين الشمس
حكيت مع دكتورتي وشرحتلها كل الوضع
وقالتلي
مبروووووووووووووووووووووووووووك انتي حامل
وعطتني موعد بكرا حتى تقدر تعرف وضعي وعمر الحمل بالضبط
الف حمد وشكر الك ياربي والله لما كنت بالعمرة وطول الوقت اشرب مية زمزم وامسح على بطني وقول دعاء سيدنا ذكريا
اللهم لاتذرني فردا وانت خير الوارثين وقلتلو كمان لزوجي يشرب ويدعي هالدعاء
دعواتكون بتمام حملي بصحة وعافية كتير خايفة لاني بكرية ومتغربة عن بلدي ومافي حدا جنبي غيركون
03-19-2012, 03:31 PM
قالتلي الدكتورة : مبرووووك انتي حامل....
hadeel al rouh 
جديد منتدى منتدى أعراض الحمل والوحام
العرض الشجري
