تجمع حبيباتي الكروشات اللي راح يولدون بشعبان

[Miss YoYo]

صباح الخيــر يا بنات
آسفه غبت هالكم يوم .. وتأخرت عليكم بالتوقيع
طبعا آخر رد كتبته يوم الثلاثاء او الاربعاء الماضي ما اذكر بالضبط
كانت الكئآبه طاقتني من كل جهه

المهم اني رحت موعدي يوم الخميس عند دكتورتي شافت نبض النونو قالت كل شي حلو
وقاست كرشتي قالت البيبي راح يكون حجمه صغير
يعني خذي لك ملابس برايمير او نيو بورن اول فتره لا تاخذين مقاسات كبيره
قلت لها عن الخربطه اللي صارت .. قالت لي يمكن عشان البيبي حجمه صغير
ماكان واضح وصارت فيه خربطه .. فـ حجزت لي اقرب موعد عشان بسوي 3d/4d
يوم الخميس الجاي ... وإن شاء الله خيــر

وصلت الأغراض اللي جابتها لي امي.. وقال زوجي بعد ماطلعنا من المستشفى بما انك طفشانه
وانا ماراح اداوم يم الجمعه خلينا نروح المدينه اللي جنبنا نقعد كم يوم ونغير جو
رجعنا البيت بس خذينا اغراض ومشينا من يوم الخميس العصر تونا راجعين من ساعتين تقريبا
الحمدلله انبسطت وغيرت جو ... لفينا بالمجمعات ورحنا الأكواريوم ومتاحف
و وشريت سرير للنونو بما اني ماراح اشتري الفرش والماترس هالشهر لين اتأكد
بس الحيــن ماااره تعبانه ما اقدر اصور وأحط صور
بكره إن شاء الله راح ارجع اسولف لكم
والتوقيع إن شاءالله بكره الصباح أول ما اصحى بس اكتب الأسماء فيه وأنزله لكم


إيــه صح .. بالنسبه للبنات اللي قالو إن المنطقه تحت تألمهم
سألت دكتورتي عن هالسالفه، قلت لها صديقتي تحس بكذا هل هو طبيعي
قالت هذا شي طبيعي اذا هي حالتها طبيعيه ماعندها تعقيدات بالحمل
وسبب هذا الألم ان الرحم يكبر ويضغط على العضلات تحت
فـ إذا كانت عضلات المهبل مو قويه ولا مشدوده تبدأ تحس بالألم
الحل انكم تعملون تمارين كيجل .. قالت عشر مرات باليوم يكفي اذا الوحده تتعب منهم
تشد عضلاتها وتعد للعشره وبعدين تتركهم ونفس الحركه كذا 10 مرات
وراح يخف الألم بشكل كبير .. قالت لي حتى إنتي ابدأي سويها عشانها تساعد وقت الولاده

بي يسهل علينا ويتمم لنا بخير .. يلا عن اذنكم بتعشا وبنام
بكره راجعه أرد على الكل بـ إذن الله