شوفوا وش صار فيني وفي بنتي لما رضعت بنتي قدامهم

[لــوســي]

يا لوسى الموت له اسباب ومنها العين قال الرسول صلى الله عليه وسلم العين ادخلت الرجل القبر والجمل القدر
كذلك المرض له اسباب اما عضوية واما بالعين اسألى مجربه
واختنا تحمد ربنا ان جاءت العين بالحسد وليس بالموت الله لا يقدر
قدر ولطف وعلينا بالتحصين

أنا ما أنكرت العين أختي ..!

لكن أنا ضد أن كلما صار لوحده مرض تتوقع أنه عين وماتتعالج فيه

الحريم صاروا معقدات كثير من العين لدرجة أنهم يمرضون ومايتعالجون .. يروحون عند مشايخ

وتتفاقم حالتهم وتسوء أكثر لأنه أحيانا مرض عادي مو عين ..

وتقعد تدعي على الناس وتسوء نفسيتها لأنها تشك في كل اللي حواليها ..وماتثق في أحد

الرسول حذرنا من العين مو عشان نقعد مرعوبين ونشك في كل اللي حوالينا..

حذرنا منها عشان نتحصن ونحصن أولادنا ونرقي نفوسنا ..

ونعيش حياتنا طبيعيه .. حصني نفسك وماراح يصير لك شي بأذن الله ..

اللي أرعبني أن في وحده قالت أن التحصين ماينفع .. وأنه لازم تاخذ بقايا ومادري وشو ..

قسم بالله خفت ربي يخسف بنا الأرض وهي تتكلم ..

يعني ذكر الله والتحصين اللي وصانا فيه الرسول ماراح ينفع ؟ وفضلات الناس تنفع وتحمينا ؟؟

..

تخيلي تجيك وحده ماتشوفين فيها شي يستاهل العين .. تجاملينها عشان مكياجها أو شعرها ..

وتجي بعد كم يوم وتقولك انك صكيتيها عين ؟؟

والله صارت لوحده قريبتي ..

ماتتخيلين كيف صرنا نستخف فيها ومانجاملها ولانكلمها حتى عشان لاتقول صكيناها عين ..

حصنوا نفوسكم .. حصنوا نفوسكم ..

اللي تشك أنها ممكن تنصك عين .. تحصن نفسها وعيالها وترتاح ..

..

وتذكروا في عين .. وفي حوادث .. وفي أمراض .. وفي صدف ..

مو كل شي عين ..

أعتذرر لصاحبة الموضوع:) .. أنجرفت في السوالف ..

لكن هالموضوع من زمان قاهرني وودي أتناقش فيه مع أحد ..

..