تكفووون اللي عندها خبره ترد على سوالي.. هبوط بعد القيصرية

[معاك للآخر]

السلام عليكم ورحمة الله وبركاته
صباح الخير لجميع الاعضاء والاداريين وانشاالله يكون صباح خير وسعاده ورضا من الرحمن
انا عضوه جديده بالمنتدى وهذي اول مشاركه لي واتمنى من اللي عندها خبره او ماره بتجربتي انها تساعدني والله يجزاها بكل خير اللي تقدر تساعدني....
انا طول فترت حملي وخاصه بالشهرين الاخيره مريت بضروف قاسيه مايعلم فيها الا الله (الحمدلله)واهملت نفسي وصحتي وحتى متابعات حمل ماكنت اروح ولا اخذ اي فيتامبنات من فيتامينات الحمل وبالاسبوع الاخير قبل الولاده جاتني دوخات شديده مع هبوط وتعب واستمرت معي حتى لما دخلت غرفت العمليات عشان اولد والحمدلله ربي سبحانه يسرلي وولدت بعمليه ولكن حتى بعد الولاده زاد علي التعب والدوخات ومع الم العمليه والآم مابعد الولاده مع العلم انو هذي ثاني قيصريه لي ومابينها وبين الاولى الا سنه وشهرين...وعشان كذا اتمنى انكم تفيدوني بالغذاء والاكل اللي ممكن يفيدني بوضعي هذا ويرجع كل الفيتامينات اللي خسرتها ويرفع الدم عندي لان الدم مررره نازل وينفعني بالدوخات وبنفس الوقت مايضر على العمليه
ولكم مني جزيل الشكر والعرفان والله يحفضلكم اولادكم ويرزقكم الذريه الصالحه