وش هالاعراض حمل ولا مشكله بالمعده احترت ردواا علي؟؟!!

[مريوم الحلوه]

السلام عليكم ورحمة الله

انا عضوه جديده
وماادري وش سبب الاعراض اللي جاتني


اول ماخلصت من الدوره بعدها بكم يوم طبعا في الايام الاولى حصل جماع
صرت احس بدوخه وجبدي تغلب وتعب عام في جسمي
وبعدها بكم يوم اختفت الاعراض او خل اقول خفت شوي
قلت يجوز هذي اعراض التبويض
المهم الحين من خلصت من الدوره لي اسبوعين
امس جاتني الالم فضيعه بشكل غير طبيعي في بطني وهي الالم الدوره وغير المغص اللي في بطني يعني بالمعده
كان بالفجر ومسكين زوجي صحى من النوم وع طول ع المستشفى للاسف مافي الا طورئ
سألني الدكتور ان جاتج الدوره قلت له لا باقي عليها 9 ايام
المهم قال عندج التهاب في البول قلت له لا قال راح اعمل لج تحليل بول
وراح نشوف اذا في التهاب او لا طبعا بعد ماطلعت النتيجه قال لا مافي بس احتمال وهذا من تخمينه ان يكون تقلصات بالمعده
انا ماانكر اشعر بالم بالمعده بس بعد اعراض الدوره بس هالمره جات بتطلع روحي من المهااا وغير لفرزات اللي تزل مني
المهم الممرضه قالت راح تعطيني حقنه مسكن قلت لها لو مثلا انا حامل تصلح قالت لا ماتصلح بس اصلا مستحيل تكوني حامل لان بعدها الدوره متاخرت عليج
قلت لها خلاص اجل اعطيني بس على مسؤوليتج قالت لا
احس الطبيب مستبعد وجود حمل
وانا بعد
بتقول طبيعي ان قبل ماتجي الدوره تكون هالاعراض ايه بس انا جاتني بزياده
وعندي مروره في الطعم يعني ابي كل اكل عشان اغطي عللمروره اللي بالسان
وغير التعب العام والكل يلمس جسمي يقولون حااار مع العلم مافيني حاره
ودوخه وغثيان
بس هل يعقل يكون حمل بس اسبوعين؟!
وهل تظهر العراض قبل موعد الدوره مع العلم ان انا باقي 9 ايام عليهااا؟
وللمعلوميه انا لي 3 شهور متزوجه ماصار الادخال الا قبل الدوره وبعد ماطهرت لان انا عانيت من لليله الدخله
ولمعلوميه بعد الغالب يكون الادخال الربع بس فهمتوا قصدي يعني مو كله لان بالحيل توجع
وهل يصير حمل هالطريقه ؟
وش تنصحوني اسوي ارجع دكتوره نساء ولا اروح عند دكتوره باطنيه
لان وربي حترت بالاعراض
دوخه غثيان تعب جسمي حار الالم شديده مو مثل كل شهر
مروره بالفم
وماانكر الم بالمعده
انا بصراحه مو مستعجله ع الحمل بس ابي اعرف اسباب هالا عراض