السلام عليكم ورحمة الله وبركاته
كيفكم خواتي ان شاء الله تكونو بخير يارب
انا مشكلتي ضروري اعرف موعد ولادتي لانه مترتبه عليها اشياء كثير ..
مابطول عليكم بالتفاصيل 
اخر دوره كانت 27/7/1432 هـ
يعني المفروض ولادتي 12 جمادى الأول
بس الدكتوره تقول بالسونار ولادتي 20 ربيع الثاني لين اقصى شي 28ربيع الثاني؟؟؟؟؟
الحين اي حسبه الي تضبط الدوره والا السونار؟
المشكله ان الدكتوره مابتعطيني اجازه من دوامي الا اخر 3 اسابيع طيب اذا خلصو ال3 اسابيع وماولدت على حسبتها (حسبة السونار) ويش اسوي ارجع ادوام وانا قربت اولد؟؟؟؟
وهذا للعلم حملي الثالث
وعندي مشكلة ثانيه ياليت تفيدوني الي عندهم خبره الله يسهل عليكم؟
انا الحين مدري بالسابع والا الثامن وعندي تحجر بالبطن متتابع اذا جا يكون ورا بعض ويألم ظهري وأسفل البطن حتى النفس احس بيوقف !
واحيان يجيني الم على الجنب اليمين واحيانا اليسار من تحت كنه يشبه الم الدوره او التبويض!
مدري هالأعراض طبيعيه او لا؟
والمشكله الثالثه
الله يكرمكم التبول احس احيان ادخل الحمام توني طالعه من الباب والا احس ابي ادخل مره ثانيه ؟ واحيانا خمس دقايق واحس اني ابي ادخل ؟
وضغط الجنين صاير كله على تحت بزياده يألم حتى احيان والله اخاف يطلع الجنين من تحت من كثر الضغط ؟
وحركة الجنين غريبه احيان احسها تألم البطن خاصه اذاكنت امشي كنه البطن كله قاعد يرقص؟
احس هالاعراض ماصارت لي بحملي الاول والثاني جديده علي او يمكن نسيت من قبل خمس سنين ؟؟؟؟ اتمنى تفيدوني اذا هالاعراض طبيعيه او لا؟ وش تدل عليه؟
والله يسهل عليها ويوفقها الي تفيدني او حتى ترفع موضوعي
وبالتوفيق للجميع يارب....
01-28-2012, 03:26 PM
محتاره مو عارفه موعد ولادتي ومشكلة تحجرالبطن والضغط لأسفل!
رحمة2011 
جديد منتدى إستفسارات مرحلة الولادة
العرض الشجري
