مشكله بين زوجي واخويه وانا ورطت فيها

[حنين المحبه]

السلام عليكم ورحمة الله وبركاته
ممممممم والله مني عارف من وين ابداء بس ببدا....بسم الله الرحمن الرحيم
المشكله باختصار مبينه من العنوان وانا راح اقولك الباقي هو انوو
بعد زواجي بكم شهر حصلت مشكله بينهم واخويه وزوجي اثنينتهم غلطو على بعض لدرجة انهم اتضاربوو باليد في مكان العمل وبعدين من وقتها زوجي منعني من اهلي واخويه الكبير وكان قال لي اذا ما دافعتي عني روحي عند اهلك اذا تبي تدافعي عنهم انا كنت اقول له انو هو واخويه الاثنين غلطانين
زوجي عصبي ولسانه مره مو حلوو لما يعصب بدا يقول لي اتضاربي مع اخوكي عشاني لا تكلمي في البدايه كان يبغا يخلص المشكله الي صارت في مكان العمل وقال لي قولي لاخوكي يجي البيت ويتفاهم ونخلص المشكله بس اخويه لما كلمته عصب وما اعطاني وجه واتكلم عليا وعلى زوجي ووقتها زوجي كان مخلي السماعه ع مكبر وسمع وعصب الله يهدي وقالي اتصلي وسبي اخوكي وذلي قدامي وانا اقوله لا هذا اخويه الكبير انا ما اتربيت ع كده ما عمري عملتها ولا ابي اعملها قالي يعني ما يهمك زوجي اخوانك يبهدلوو بس دافعي عنهم وعصب مره مررررررررره قالي روحي بيت اهلك ما ابي واحده ما يهمها كرامة زوجها انا لو احد يعمل معاكي ابهدلو
انا قلت له خلاص انا برسله رساله بس فكرت اني ما بقل ادبي فيها ولا حشتم فيها اخويه بس في نفسي وهو كان ع راسي يبي يشوف وش برسل كتبت فيها انو الغرور مو زين والتكبر مو زين وربي ما بينظر للمتكبر والي يرجع الفضل لنفسه مو لربه والحاسد عمره ما يفرح في حياته لانو يقعد يحسد ومايلاقي وقت يفرح لنفسه لانو كل وقته يحسد ....وبقولكم انا ليه قلت كده الي صار هو انو زوجي اترقى وفرح ووقتها اخويه ما كان اترقى الله يعطي ياارب ف زوجي من الفرحه قال للوالده حماته الي هي ماما وماما قالت لاخويه ماشاء الله ْ####اترقى اخويه عصب وراح يتضارب من زوجي ليه تقول لماما انك اترقيت لا تقولها دحين هي تفكر اني انا كمان اترقيت وتطلب مني فلوس وصارت المضاربه في مكان العمل وكان اخويه يقول شي وزوجي وكبرت المشكله وصار الي صار ..دحين مره على هذي الهرجه 3 سنين زوجي ما يرضى اشوف او اكلم اخويه واخويه يكرهني عشان رسلت رساله وكمان عشان كنت مع زوجي وانا والله دائما ادعي اني اتصالح مع اخويه الكبير واقول لزوجي يمكن بسبب قطيعت الرحم انا ما حملت بس لا حياة لمن تنادي؛ بس زوجي لسه حاقد عليه حتى لو يشوفه بمكان عام يطالع بحقد ويسبه قدامي وانا اذا قلت له لا تسب يقولي روحي بيت اهلك انا اقوله والله واتعذب لما اشوفه يسب اخويه واهلي ):
والحين في زواج اختي واخويه واخويه الكبير يقول للوالده اذا بنتك جايه ما بحضر الزواج وانتوو عارفين قلب الام على عيالها تبيهم كلهم الله يحفضها ياارب وانا نفسي اتصالح..زوجي يقولي خلي اخوكي يتاسف مني قال لانو اخويه اتهمه بالسرقه في مكان العمل بعد ما اضاربوو واشياء كثير كمان بس اش ولا اش اقولكم اااااااااه واخويه يبيني انا اتاسف وزوجي يقولي لو اتاسفتي منه روحي بيت اهلك ..غير انو يبي زوجي كمان يتاسف منه ومن الوالده لانو لما زوجي منعني من اهلي؛ الوالده عصبت وكانت تتصل تبي تكلمني الله يحفضها وزوجي الله يهدي ما كان يخليني فكانت تعصب وتسوي زي كل ام لما تعصب على ولدها بس زوجي الله يهدي لما شافها كده تتكلم معاه (قل ادبه مع الوالده)اخواني كانوو يبوو يقتلوو زوجي عشان ماما بس عشاني انا سكتوو وزوجي مو عارف هذا الشي هم على بالهم بنتهم مبسووطه مع زوجها ما يدروو انو زوجها يقعد يسبهم قدامها وهي تتعذب ولما تدافع عنهم يمد ايدوو ويضربها ويسبها اااااه بنات انا ما قلت ولا شي لاهلي عن زوجي وعصبيته بس عشان انا افكر انو يمكن انشاء الله زوجي حيصير يحس ويفهم غلطه انا ما اقولكم
انو زوجي لوحده غلطان ولا اقول انو اهلي لوحدهم غلطانين بس اقول محد يقدر يصفق بايد واحد وبينهم انا انعزقت قلبي بين اهلي الي هم دمي ولحمي وبين زوجي الي احبه وواثقه من الله انو راح يهدي لي ياااا
دحين انتوو قولو لي انا الاسبوع هذا اختي الكبيره قالت لي تعالي واتاسفي من اخوكي
وزوجي اذا قلت له اني بتاسف يعصب ويقول اخوكي الي مفروض يتاسف واذا انتي اتاسفتي حيحس انو الي سوااا معنا صح مو غلط وبعدين هو عنده شي واحد (روحي بيت اهلك )ولا اذا تبيني قاطعي اخوكي ؛؛اختي الصغيره انا ما اخبي عليها شي هي قالت لي انتي لا تقولي لزوجك انك اتاسفتي ..المشكله انو كل ما روحت بيت اهلي بعد ما ارجع زوجي يسالني ويقولي اخوكي الفلاني باسم مو حلوو كان جاء لما كنت عند امك اقولوو لا يروح يسكت واخاف اكذب يوم واقولو ما جاء ووقتها يعرف لانو الكذب ما بيتخبى انا اش اسووي الله يخليكم ما ني قادره انام من التفكر اش اسووي اتاسف من غير ما اقوله ولا ما اتاسف على قولت زوجي انتي ما غلطتي انتي بس ذكرتي بغلطه ااااااااااه ولا اخويه الي مستني اخته الصغيره تتاسف منه لانو ما يبي يشوف وجهها ولا اهلي الي نفسهم لو زوجي واخويه يتصالحوو اش اسوي ... كنت متردده اقولكم وفكرت كثير قبل ما اكتب مشكلتي بس اشاء الله ما بتقصروو معي اسفه على الاطاله وسامحوني اذا قلت شي غلط
الله يوفق ويحقق منى كل واحده ترد عليا وتساعدني بنصيحتها لي امين ياارب