تجمع لحوامل شهر جمادى الأولى 1433

[متغربه]

يمك دروبي..

لا تشيلين هم النفاس أبدا، انتي بس رتبي امورك من بدري وكل شي راح يكون تمام.. أهم شي أنه لازم يكون عندك شغاله وأن ما كان عندك جيبي وحده بالشهر.. انتي علميها على اللي تبينه، يعني جهزي انتي الاواني حقت القهوه والشاهي وعلميها كيف تسويها مثل ما تبين.. خلي في ثلاجتك عصير مشكل.. ومثل ما قالت أم رزان يبيلك سلة شوكولاته فخمه وثانيه بعد للمعمول.. والموالح مثل الفطاير ممكن تجيبينها في نفس اليوم إذا كان بيجيك أحد..

فيه ناس يحطون بالفريزر أنواع مثلا كبه وفطاير زيت وسمبوسه محشيه، يصيرون يطلبونها من حرمه تجهزها لهم ويفرزنونها.. تبلغين الشغاله تقليهم إذا صار بيجيك زوار وتقدمهم في صينيه كبيره مع صحون صغيره ومناديل وشوك..

ومثل ما قالت أم رزان العصير أول.. أهم شي انك تجهزين امورك والباقي على الشغاله.. لا تنسين المفرش وسرير البيبي والأرواب..

أنا بالنسبه لي ما أحب التكاليف الزايده، أحب البساطه والترتيب، يعني ما أحس أن فيه داعي للهدايا وهالأشياء، والله يقومك بالسلامه يارب..