صدور الدجاج ب صوص القشطه والمشروووم

[جرح البعاد]

~:[صـدُور الدجَـاج بِـ صُوص القشْطَه والمشْروُم]:~

سهل .. صحي .. والاهم طعمه لذيييييييذ ..


انصحكم تجربونه خاصه وانه مايآخذه بإعداده شي وكل العائله بتحبه من صغيرهم لكبيرهم : )


:


لإعداده نحتاج إلى ..

صدور دجاج مبهره بـ ملح + فلفل اسود

بصل ابيض - بصل اخضر - مشروم

قشطه ( لكل صدر نستخدم علبه )

خس للتقديم

:


الطريقة ..

( 1 )


نشوي الدجاج بالفرن لمده 45 دقيقه إلى ساعه .. "تعتمد على حجم الصدر" ..

- اذا كانت الصينيه ماتلزق حطي الدجاج فيها مباشره بدون اي زيت ..

اما في حال ماضمنتيها .. غطيها بقصدير ثمن حطي الدجاج ..

ملوحظه : ( الطريقه الاساسيه لعمل الدجاج هي انك تشوحينها بزبده و زيت اولاً لحد ماتكتسب حمره

وبعدها تدخلينها الفرن .. لكني اعتمد هالطريقه لانها صحياً افضل ) ..





( 2 )

- نشوح البصل بشوية زيت ..

- نضيف البصل الاخضر + المشروم + الملح + الفلفل الاسود ..




( 3 )

- بعد ماتذبل الخضار و تتكرمل نضيف لها القشطه ..

- نحركها حتى تتجانس و نضيف لها المزيد من الملح والفلفل الاسود حسب الحاجه ..


:

التقديم ..




- نفرش الصحن بالخس ( كل ماكان مقطع كل ماكان اسهل بالاكل ) ..

وإذا حبينا ممكن نضيف له اي نوع من انواع دريسنيق السلطات ( إستخدموا اللي يناسبنا ) ..

- نشرح صدور الدجاج ونحطها فوق الخس ..

- نغطيها بطبقه كثيفه من صوص المشروم بالقشطه
وبالهنا والعافيه