دردشة حوامل أهل جدة - دردشة بنات جدة - تجمع حوامل مدينة جدة

[أم لانا وكيمو]

ياحلوين من تجربتي فبنتي الاولى وولدي الصغنون الله يحفظهم

لاتستعجلو من البدايه وتشتروا ملابس كتييرره لبعدين لانك ماتعرفي جسم ولدك او بنتك اذا كان جسم المولود صغيير ممكن يلبس من زيرو لتلاته الين يسير عمره تسعه شهور وبكده تكوني قضيتي على الفاضي
انا فبنتي عملت كده وطلعت صعنوووووووووووووووونه والين سنه وانا البسها حق 6 شهور ودحين عمرها اربعه تلبس تبع سنتين مررررررررره اتعب معاها اما ولدي دا ماشاء الله عمره 8 والبسه من 6ل9 يعني مزززبوط كل تلاته اربعه شهور اروح اشترييله ملابس

اما بالنسبه لافض الامااااكن مذركير طبعا غسيل ولبس
ابعدوا عن سنتر بوينت من اول غسله تاني غسله بنمش ويفرط ويسير مو حق لبس قدام الناس
عندك اوكايدي .و كمان .تاب الويا.. اظن عندهم من 3 شهور
اتش اند ام
ودول كللهم تلاقيهم فحراء الدولي او مجمع العرب دا اللي ديما اروحو ومتاكده منه

نصيحه لاتكترري من الربطات والبرانيص وبيوت الرضاعات والكلام الكتير دا كل حاجه خدي منها تلات حبات اكتر شي لانها حتسويلك قرنبع وتتلم عليكي بس على الفاضي

كتري من المرايل لانك حتتعبي اول كم شهر يعني اول شهرين تلاته لما يرضع وبالذات في الليل يصحى كل ملابسه ورقبته حلييييييييييب وقرف بس لاتنسي تشبكيها فملابسو بمشبك صغير عشان لاتقلب على وشوو وينكتم الله لايقدر ..

جيبي من المرايل العاديه كتير للبيت تلاقيها في الهرم الحبه بتلاته ريالا او فمذركير خمسه ب45 وخدي كم حبه محترمهموجود فمذركير اشكال تهبل وفسنتر بوينت كمان للخروج والضيوف وغسليها على يدك

وووووووضروووووري لاتعتمدي على الرضاعه الطبيعيه لحالها مو قصدي تبطليها لا بس لازم من اول مايتولد تعطيله الرضاعه على الاقل نص رضعه قبل النوم عشان بس يتعود يمسك الرضاعه لانو ماتدري سبحان الله تسخني او تمرضي لاسمح الله وماتقدري ترضعي لانو بطال فلازم ياخد رضاااعه وبالذات عشان تعرفي نوع الحليب اللي يناسب بطنو انصحكم بنان1

وتاني شي الاطفال مايحلالهم يبكو الا وانتي فمطعم ..فسووق ... فطياارة

يطفففشوا ..تبي تروحي مستشفى ولازم تخليه عند احد ؟؟؟ايش الحل مرررره حتوووحوسي لو ماياخد البيبي رضاعه

وكمان اليانسون لاتنسو مهم مررررررره في الاربعين بالذات ..يهدي وينيم
تروشيييه قبل النوم وعلى طول اليانسون ونوومه هنيه


وانشالله كل الحواامل يقوموا بالسلامه بس حبيت افيدكم انشالله