تأجل تطهير ولدي لعمر سنه,, تعالو شوفو ليش!!

[أم مثاليه]

بسم الله الرحمن الرحيم

بقولكم قصتنا مع الختان من الأول
أنا ولدت بتاريخ 10 جولاي 2011 بعمليه قيصريه يعني باقي له 7 أيام ويتم 6 شهور الله يحفظه المهم جاني الدكتور يوم ولادتي وقالي بكرى موعد لولدك مع دكتور التطهير ووقعي على هذي الورقه وبنشوف إذا وضعه تمام أو بنأجله لبعد شهر
أتصلو على غرفتي من بكرى وقالي العضو جدا صغير ومايتحمل التطهير تعالي بعد شهر المهم أنا كان عندي موعد مع دكتورتي بعد 15 يوم عشان بتشوف العمليه وولدي عنده تحاليل قلت لزوجي شرايك نمر على الجراح ونشوف يمكن يطهره قال أوكي ومرينا قالنا لا أستنو لين يصير عمره شهر

جيناه لما صار عمره شهر و3 أيام
قالنا لسى صغير(العضو) بدكون تستنو عليه شوي لغاية مايصير عمره 3 شهور بهيك حاله مابنئدر نطهره وأحتمال كبير يكون خاطئ

جيناه لما صار عمره 3 شهور
قالنا نفس الكلام وأستنو لعمر 6 شهور أنا عصببببببببت قلت خييييير يادكتور ليه كذا الولد كبر وكثرت حركته
قال شو يامدام بهيك وضع ممنوع نطهره قلتله طيب ليييييش أقنعني قالي شوفي العضو غرئان لجوا وهيك لما بنطهره بترجع الجلده عليه ومابيستفيد شي وبينعاد تطهيره<<<تراي تعبت وأنا أحاول أقلد لهجته هو لبناني
المهم
قالنا الولد الحين عنده كيس فوق الخصيه اليمنى وهذا أهم من التطهير ولاااااااااااااازم عمليه وبأسرع وقت
أنا/ هلت الدموووووع أكيد فاهمين الشعور

قلت لزوجي بشوف كلام غيره
ووديته لثنين
الأول قال إذا كان فيه من أول ماأنولد بيروح مع النمو, وإذا جاه بعد الولاده ويتغير حجمه مره كبير ومره صغير فهذا لازم ينشال
أما بالنسبه للتطهير فأنا أطهره بدون بنج وعادي

الثاني قال بالنسبه للكيس قام يسئلني هو يكبر ويصغر متى وأسئله كثيره قلتله ماني متأكده إذا يكبر أو لا قالي خلاص نعمله أشعة الألتراساوند ونتأكد من نوعه بعد الأشعه قالي 75% بيروح من نفسه أنسى موضوع الكيس وأكشفي عليه بعد سنتين إذا ماراح سووله عمليه
والتطهير إذا صار عمره 6 شهور نسويه له بس ببنج كامل ونعمله خياطه تثبيت من تحت ونطهره

لما صار اليوم رحت فيه لدكتور رابع واحد أعرض عليه موضوع التطهير
قالي شوفي يامدام أبنك عنده شحوم زايده حولين العضو تخليه بدخل وبهذي الحاله لما نطهره بترجع الجلده مره ثانيه لفوق لأنه مازال يغوص داخل وأحتمال كبير يحتاج إعاده لازم تستنين لعمر سنه تكون الشحوم خفت مع كثرة الحركه ويبرز العضو وهو رح ياخذ بنج كامل سواء الحين أو بعدين بس بعمر سنه بيكون أفضل له عشان يتحمل البنج

الله يسهل
والله ياهالتطهير إنه مثل الهم على قلبي ماني قادره أرتاح ولا حتى أفكر بأشياء ثانيه غير تطهيره
قبل فتره كنت أختبر نهائي أختباراتي هالمره غيييير عن دايم تخيلو ماحرصت فيها ولا حتى تحمست للنتيجه كل همي بتطهير ولدي

أنا خايفه عليه من البنج الكامل أكيد بيحطون له مغذي والمخدر لما يبدأ مفعوله يبدأ اللسان والجسم ينمل ويثقل اللسان والراس
كيف بيعبر أنه هذا الشي مضايقه شعووووور أليم
ياحياتي هو والله مقطع قلبي

وأبوه ماشاء الله أحسه مو متضايق مثلي يقولي عادي أثنين من ربعه عيالهم كذا ماطهروهم إلا بعد سنه وكم شهر
وحتى لما نوديه للتطعيم مايوقف معي عند ولدي ولا حتى بالممر يطلع برا القسم يقول ماأقدر أسمعه يصيح ,, أجل أنا اللي أقدر بس ياحرام الأم كل شي على راااااااااسها