هل لمشكلتي حل؟؟؟؟؟؟؟؟

[القلوب الجريحه]

اه ياربي لك الحمد والشكر يارب
انا الصراحه عندي مشكله صغيره
اني حامل ووصتني الدكتوره ان اكون مرتاحه واكون جالسه على ظهري ولا ابذل اي مجهود
لكن حماتي جايه السبت الجاي وانا محتاسه من يوم قالت لي انها جايه
والله اني احبها زي اختي بس
من ذاك الوقت ادق على الناس ابي شغاله بالاسبوع لقيت اللي تقول على الاسبوع الف وللي تقول على اليوم 300ريال والله احترت
نفسي ياخواتي تساعدوني ابي شغاله ضروري بحد المعقول واله حرام الف ريال قلت لصاحبة الشغاله الصوماليه عادي ادفع 700ريال كل يوم ميه لكن هي رفضت بتاتا قلت لها شقتي صغيره وماعندي عيال قالت لي مافي الا الف ريال ولا بس يلله لقيت هالفلوس بالغصب لان راتب زوجي ما يجي يوم 3الا عالحديد كلها للقروض وحقوق الناس وحق دكتورتي اشجان
والله لولا الظروف الماديه ثم انه اول حمل لي بعد 8سنين انتظار
ما اخذت شغاله بس وش اقول
نفسي
تنحل مشكلتي
ساعدوني ابي شغاله بالاسبوع بحدود700ريال
انا من سكان الدمام