بصمة حامل )) للذكرى ((

[لؤلؤة العفاف]

انا قرأت قصص البنات وتأثرت فيها بكل جوارحي وقلت اكتب قصتي مع هذه النعمة العظيمة الي يتمناه كل شخص والله كريم يعطي كل محروم ان شاء الله انا تزوجت وبعد زواجي بثلاث شهور حملت وجاني احلى ولد الحمدلله (عبدالعزيز)وبعده اخذت مانع لاني ادرس بعد سنة تركت المانع وظلي ثلاث سنوات بلا حمل ومن كثر ما راجعت زهقت ولا بصيص امل ما ضل مرض ما حطوه فيني تكيس ومافي تبويض وادري ايش بعد في رمضان قال زوجي فيه دكتورة ممتازة خل نروح الها رحت عارضت في البداية بس بعدين رحت عشان ما يلومني بعدين
بس طلعت دكتورة زينة ونفسيتها حلوة بعد الفحص قالت ما فيش اي شي بس الما نع اثر على المبايض اشوي علاج فترة وبعدين الله كريم طلعت من عندها ورحت الصيدلية تصورو الدواء كان ثمنه 5ريال بس قلت هذي شكلها ما تدري عن شي انا اخذت علاجات بمئات الريالات ولا جابو اي نتيجة الحين ذا الي 5ريال بينفع
بس قلت يالله خل اخذه وشر رمضان دخل علينا وتدرون رمضان له نوع خاص في العبادة وطعم العبادة يكون احلى وتأثيرها كبير في النفس ولامل بالله مارحت الموعد الي عطتني جانا العيد نزلت نقاط دم قلت الدورة وصلت يومين وانقطع قلت لاشكله تعب بسوظليت اسبوعين تعبت اشوي قلت الدورة بتجي الا اختي قالت لاسوي تحليل اتاكدي انا خفت لامابي تحليل كل شهر اسوي ما في حمل واتحطم مابي تحليل
قالت سوي مو خسرانين شي اذا فيه حمل قلنا لش واذا ما فيه بنسكت سويت التحليل ورميته عندهم ورحت الغرفة الثانية وانا انتظر مادري اسالهم ولا اسكت ما شفت الا الكل يبارك لي لاني طلعت حامل مل صدقتهم وروني التحليل كا ن خطين ولا واضحين بعد قمت اركض وانطط من الفرحة وخواتي يصرخون لا تنططين انتي حامل قلت المستشفى بياكد ورحت وطلعت حامل وجبت احلى(فاطمه)وبعد ها حملت على طول بس سنة ونزل الحمل والحين 9سنوات كل مرة يصير حمل ينزل 7مرات يصير اجهاض في الشر الثاني او الثالث ولا حد من الدكاترة الي راجعت عندهم عارف السبب
وكل شي بيد الله هو المعطي وهو اكرم الاكرمين وانا والله ولهت علىبيبي العب معاه واعيالي بعد كل مرة اسقط ينقلب البيت جنازة لان اخوهم او اختهم ما جبتهم معاية من المستشفى والله كريم يرزق ك محروم ان شاء لله ربي لاتذرني فردا وانت خير الوارثين دعواتكم خواتي ان الله يرزقني وكل محرومة ويتمم لي اشهور حملي ويفرح قلبي بشوفة ضناي بحضني سالم معافى لله كريم وقادر على كل شئ