شاركينا باغرب تصرفات حماتك

[فوضت امري لله]

ياحياتي الله يعطيك العافيه على هالموضوع بس نصيحه لكل المتزوجات

لاتغارين من ام زوجك او تملكبن زوجك لوحدك والله مسكينه ربته طول هالسنين والحين تجين انتي تاخذينه بالله كيف بيكون شعورها

حبيت اشارك معكم في تجربتي مع حماتي
حماتي عاشت معي 10 سنوات ببيتي بحكم ان زوجي اعز اخوانه عليها وتحبه مره

حتى زوجهاتركته عند ولدها الكبير وجت عندي


هي طيبه واناكنت اعاملها مثل امي وبعد زواجي ب6 سنوات تدهورت حالتها بحكم السكر والضغط وهي كبيره في السن اكبر من زوجهاعاملتها ولله الحمد مثل امي حتى كنت اغير الحفاظ لها واحممها والبسها مثل الطفل تماما توفيت وهي تنادي على اسمي وحبتني اكثر من بناتهاوزوجي والله فقدتها بعد وفاتهاوفقدت دعواتها لي ولذريتي

الله يرحمها ويسكنها فسيح جناته بس كسبت بعد وفاتها اني لما اتذكر معاملتي لها احمد ربي انه اعاني على الصبرولم اشكي حتى الخادمه رفضتها خفت تعاملها مو كوبس لانها في اخر سنتين كانت على طول اسهال وترجيع مثل الطفل بالضبط

احمدربي اني اسنت لهاوانا هنا مااذكر الكلام رياء لاوالله بس احب اعطي انه فيه زوجات ابناء احسن من البنات لانه كان بناتها يتذمرن منها ولايزورونها بس يوقفن 5دقايق ويعطن اوامر ويروحن

وانا بنت الناس احسن معامله لها من بنات بطنها


نصيحتي احسنوا معامله ام الزوج حتى لو كانت شيطان لان الدنيا بسرعه تمشي ولما تموت كانها جلست ساعه معكم وعلشان ماتندمين على المعامله وكما تدين تدان (هل جزاء الاحسان الا الاحسان)هذا وعد الله لنا في القران شكرااااااا مره اخرى على الموضوع


على فكره انااقول لزوجي اذا تعب ابوك وماتحمله اخوك ترى انا بنته اللي ماجابها والله يعينني هههههه