ساعدوني حامل بكيس بدون جنين.. وماعندي خبره افيدوني

[مملكيه]

السلام عليكم ورحمه الله وبركاته..

بنات والله ان الله العالم بحالي.. هذا اول حمل لي وكنت فرحانه فيه وايد.. طول عمري اتخيل روحي ام..

انا دورتي بدت 1-11-2011 .. وزواجي حصل بعد 10 ايام.. ماشاءالله حملت في شهر العسل بس ماعندي توقع للتاريخ الي حملت فيه..

بس على حساب الدورة انا فالاسبوع الثامن ..

رحت اول امس للمستشفى عشان اسمع نبض الجنين .. وشافو كيس الحمل كبر عن الاسبوع الخامس تضاعف 3 مرات ... بس بدون جنين!!

سوولي فحص مهبلي ونفس الصوره والنتيجه.. والله جلست ابكي والسونار على بطني..

دخلت للدكتوره الاستشاريه قالت لي انبطحي عالسرير .. قلت لها ليش ..؟؟ وانا جالسه ابكي

الا تقول بسوي لج تنظيف!!!!!! بكل بساطه تقولها

قلت لها لا مابي وطلعت سويت فحص دم وطلع هرمون الحمل 6-7 اسابيع..

طمنوني يا بنات والله ان ماعندي خبره بهالامور وخايفه حيل..

هل في امل يكون الفحص مبكر جدا ومايبين الجنين؟؟ خصوصا اني مب مقتنعه اني بالاسبوع الثامن لان الحسبه من قبل لا اتزوج ولان دورتي عادتا تتاخر فيمكن يوم التبويض كان متاخر ..

ارجوكم فيدوني بالشي الواقعي مابي اتعلق بأمل زائف.. :(

انتظر ردودكم على احر من الجمر راح اضل فاتحه الموضوع :(