يلي جربوا التلقيح المجهري الله يجزاكم الخير حابة استفسر منكم

[@لــــيــــدي@]

الحمدالله اول شي على تلقيح البويضات دا اكبر والحمدالله عدا
وعلى حكاية الدم .. انا الحمدال ماقد نزل عليا
بس هو طبيعي حتى الدكتور يقولي لو نزل دم قليل عادي
لانه دا من تاثير سحب البويضات يعني كل شي طبيعي حبيبتي

بكره لما تروحي حاولي تكون مثانتك مو مرره مليانه نصيحه
لانها لو كانت مليانه بتعبك
انتي ادخلي الحمام الله يكرمك قبل ماتطلعي من البيت وبعدها اشربي كاسه مويه
ولو روحتي المستشفى وحسيتي انك مافي بول اشربي التانيه بس لاتشربيها كلها من البيت
لانه كمان خلي بالك غرفة العمليات بارده وانتي بتكوني اكيد متوتره ودا كله يساعد على الحشره
وبعد العمليه مو على طول حتتحركي يعني ثلث ساعه بتجلس متل ماانتي
حتى لو السستر بتجبلك البتاعه دي مدري ايش يسموها على السرير
عشان كده اقولك جاولي ماتخلي نفسك ومثانتك مليانه
على فكره هما يبو المثانه مليانه عشان يقدر يشوفو الرحم مزبوط وقت مايرجعو الاجنه
وكمان تساعد بعد الله على حسب ماقرأت في تثبيت الاجنه لانها تضغط الرحم لفوق
دا بخصوص شرب المويه اما انتي ياغاليه قبل ماتدخلي غرفة العمليات
اتوضي والبسي لبس العمليات ولما تدخلي حطي يدك على بطنك واقرأي الفاتحه 7 مررات
صدقيني لها تاثير بارادة ربي كمان لما وقت يرجع الاجنه وهو بيدخلها
قولي يارب ارفعي اجنتي ولاتسقطها
بعد العمليه بساعتين ياغاليه ابدا ماتقومي من السرير حتى لو كنتي تبي حمام نادي السستر تجبلك هيا ع السرير
وبعد الساعتين لو حبتي تجلسي تاكلي موموشكله وحاولي قدر المستطاع ماتخرجي بدري من المستشفى
ولما تخرجي بالسياره انسدحي ورا ولما يكون في مطب والا شي خلي زوجك يمشي عليه بشويش
على فكره دي ترى نصايح دكتوري
عاد لما توصلي البيت بالسلامه حاولي ترتاحي بس لاتنامي كثير على ظهرك
كثيري في شرب السواااااااااااااائل مهم جدا
وبالتوفيق ياغاليه وربي يسمعنا عنك الاخبار الكويسه بعد اسبوعين يارب