تجمع مواليد من عمر شهر الى سنة

[متغليه لعيوني]

صباح الخيرات اخواتي ابغى افضفض احس اني مجرمه بحق ولدي الوسط هو عمره ثمنيه سنين حنون بشكل فضيع معايا بس عنيد واستفزازي ويحب يعاند وصرت من الظغط الي عليا بيت وطبخ وطفل جديد عصبيه وعلى طول اقول المفروظ انه كبير ويسوي اشياء كثيره تكون على كيفي واتوقع الطاعه ولما يعصي اوامري اضربه ولما الاختبارات جاءت كنت انا اصلا مهملته من فتره وانا مدخلته انترناشونال والدروس اتكاومت وهات ياضرب والله يابنات ابكي واندم بعد ما اضربه هو عنيد واستفزازي ويعاملني ببرود لما اكون معصب عليه ولايرد عليا الابعد تهديد ووعيد وضرب انا زعلانه عليه وليا من امس ضميري واجعني وقلبي عليه وقررت اني ما امد يدي عليه لاني حسيت اني مجرمه بحقه لانه هو طفل محتاج طريقه اكيد للتعامل بس انا الله يهديني ما اعرف اتعامل معاه وزوجي رامي المسوليه كلها عليا وحسيت انه مظلوم من ابوه من جهه ومن اهلي ومني طبعا يعني الكل عليه ولو سوى شي بسيط على طول نوبخه غير ان اخوه الي اكبر منه بسنتين على طول يشتكي منه ومسوي انه هو البطل عشانه يسمع الكلام وعلى طول يفتن عليه عشان ينضرب طيب ساعدوني بحلول التعامل مع اطفال وبزات الاولاد والله صعب تربيتهم مع ظغوط ونفسيه زفت ومافي نوم ولاطلعه زي الناس ولارجال اصلا مهتم الكل لاهي وكله عليا لاتلوموني يابنات تراني والله ندمانه وبكيت امس قدامه و=وقلتله ليش انتا تستفزني ولاعاد تكلمني ولاتسلم عليا كان ساكت مني وعلى فكره هو عصبي كمان وعلى طول يقولي انا ما احب ذاا البيت بزات لما اصحيه من النوم ويقعد يصاكك با الباب وهذا من الاشياء الي تنرفزني ابغى كل شي زي مزاجي وانا عارفه ان ذااا غلط وبعدين قبل مايروح المدرسه جاء يسلم عليا ويبكي يقولي خلاص ماما سامحيني ما اكررها مره ثانيه بس يبنات والله بكيت وقررت اني خلاص احاول اسيطر على اعصابي ومامد يدي عليه واطول بالي عليه اكثر واني انسى اني اضربه واكلمكم وانا ابكي ابغى يابنات حلول كيف اتعامل معاه في بروده واهماله مايرضى يساعد لاهو ولا اخوه الا لما اناديهم واكلمهم عشرات المرات مو من نفسهم يرتبوا كل شي مركنين عليا وانا يد واحده مو حديد يا الله اتكلمت كثيررر دعواتكم يابنات انه ربي يهديهم ليا ويرزقني برهم من الان لاني لما اشوف اخواني وبرودهم مع امي انقهر اقول بيصير معايا زي امي تعبت وسهرت بعدين الخير للغير خلاص تعبت وانا اكتب لاتنسوني من دعواتكم ونصايحكم