التجهيز من اسواق الخبر و الدمام

[شـمـس و قـمـر]

ياااا ربييييييي جفتوا شلون الغباء؟؟؟ بكل ثقة رحت و كتبت موضوعي ذي في ويييين في قسم الحوامل من 4 إلى 6 شهور هههههههههههه سامحوووون يا مشرفات والله قعدت احوس في المنتدى لييين لقيت القسم المنشود بلييييز سامحوني توني جديدة في المنتدى و لو إني أحسكم الحين كذا : هههههه عموما هذا نص الموضوع و ياااا ليت تساعدوني الله يساعدكم و يسهل عليكم يا بنات :*




بسم الله الرحمن الرحيم

السلام عليكم ورحمة الله وبركاته

مساء الخير، كيف حالكم؟ هاذي أول مشاركة لي مع الحوامل والله ما ادري ان كان مكان موضوعي هاذا صح بس يللا راح أكتب و أشوف وين يوصل الموضوع هههههه

أنا إن شاء الله و بإذن الله ناوية أجهز للبيبي بآخر هذا الشهر و انا الحين في الشهر السادس يعني راح أبدي تجهيز في السابع << قصة حياتي .. ما علينا بس زوجي الله يحفظه اقترح نروح السعودية بس أمانة انا مدري إن كان فيه فرق في بضاعة سنتر بوينت اللي هناك عن فرعنا اللي هنا أو لا؟ لأني كنت ناوية أشتري من سنتر بوينت اللي عندنا في البحرين و هناك صراحة أنا أحب الخبر و أسواقها أكثر بس ماعندي خلفية عن ثياب الأطفال و تجهيزهم في الخبر و أنا أفضل الماركات الحلوة و بالسعر المناسب مثل جونيورز و غيغلز تبع سنتر بوينت، فما أدري هل آخذها من السعودية و ألا بس أشتري حاجاتي أنا كنفاس إن شاء الله من هناك؟

و كمان سؤال : جلابيات النفاس وين تنباع و كم راح أحتاج منها و ايش النوعية الأفضل؟ يا ريت تدولني على أماكن في الخبر او إذا فيه كمان في الدمام أشياء حلوة لكن الله الله أبغا تدلوني على الزين لأنه حرام أروح للسعودية و في النهاية يضرب الذوق عندي و ما أشتري شي و تعرفون بعدين ايش راح يسوي أبو الشباب هههههههه

و جزاها الله خير اللي تدلني خصوصا اني بكرية و أصلا أنا و زوجي ما قط رحنا السعودية سوا ما رحت إلا لما جهزت لعرسي قبل سنتين و كان أغلب تسوقي لفستان العرس وقتها

و سلامتكم