لصاحبات الخبرة ....

[PinkCherry]

حبيبتي آنه نفس المشكله واجهتها يعني حاسه فيج 100 بال 100 ..في البدايه كنت اسكت وكنت متحيره لكن الحين حطيت حد لهالموضوع..حبيبتي كل شي بالصراحه والكلمه الحلوه ينحل ..الزوج مثل الطفل واذا كنتي ساكنه ويه اهله في نفس البيت لازم بيكون في تدخل وفي فضول منهم .. نصيحتي لج تسوين اللي سويته قعدت ويه زوجي وكلمته بالصراحه وبالكلام الحلو يعني طيحي فيه مديح وصباغ وجيبيها بعباره حلوه انج ماتحبين ان كل اخباركم عند اهله يعني آنه قلت لزوجي بعد ان صبغته ودلعته وكنت مسويه جو يعني شاعله شموع ومجهزه قعده واول ما رجع من الدوام اخذته بالاحضان و من هذا القبيل وسويت له مساج وآنه ادلك ظهره طبعا بعد ما بدأ يرتاح ويصير ريلاكس بديت ادلعه واعطيه من هالكلام انتي وشطارتج اختي بعدين شوي شوي جريه في الكلام انه يقول انه يحب هالشغلات وانه مستانس من هالمفاجأه عندها يأتي وقت الهجوم ههههه قولي له بدلع:حبيبي آنه دايما افكر في مفاجآت وعندي افكار وخطط حتى ادلعك واريحك لكن....سوي نفسج متردده اهني بيقول لج لكن شنو؟ اهني تقولين له يا اختي عن الموضوع اللي مضايقج "طبعا لاتوقفين خلي ايدج تشتغل " قولي له ان كل شي يصير في البيت عند اهله مو معناتها ماتحبينهم او شي بس تفضلين ان تكون عندج خصوصيه طبعا لازم تبينين له انه هو شخص مثالي ومو الغلط منه لاتنسين تقولين له الغلط مو منك انت بس افضل يكون عندي خصوصية وكل مرأه تحب ان اللي يصير في البيت يبقى في البيت سواء يتعلق الموضوع بزوجها او بطفلها او ببيتها طبعا هني لو بدى ياخذ موقف دفاعي انتي سكتيه بأنج تبوسين ظهره وتبينين له ان هالرغبه ترغب فيها جميع النساء وانه رجل مثالي ومو غلطان "الرجل مايحب احد يقول له انت غلطان وصعب يعترف بغلطه وكونه يقل كل شي لبيتهم هاي شي طبيعي بالنسبه له ومافيه شي لانه واثق من اهله ويحس ان سره في امان عندهم "فانتي بشطارتج فهميه ان عايلته الاولى انتي وعيالكم الحين واسراره لازم تبقى عندج انتي . اختي آنه نجح معاي هالشي اهم شي تكونين جريئه وتذكري الرجل مثل الطفل تكسبينه لصالحج بالابتسامه والكلمه الحلوه والجرأه الجرأه ثم الجرأه.
اما عن سالفة المفاتيح نفس اللي صار لي بصراحه قعدت معاه لما عرفت وقلت له اني مو موفقه ابدا واني اخاف على نفسي وعلى خصوصيتي..قلت له الواحد في هالزمن مايضمن الناس يعني لو دخل احد علي وانت مو موجود ؟؟لو سافرنا ودخلو البيت؟؟قال لي هالشي مابيصير وآنه متاكد من اهلي طبعا ماوافقت وقلت له بيتي له خصوصيه واحب انك تحترم قراري ما بحس ان البيت بيتي ولي خصوصيه اذا كانت مفاتيح البيت عند احد غير وغيرك..اهني راح اخذ المفتاح وسلمني اياه.ومن جديد اعيد واكرر ياشابات خلكم صريحات وجريئات وعاقلات وجميع المشاكل بتنحل