رأيكم بآدم ؟

[Omm Adam]

السلام عليكم ورحمة الله وبركاته

كيفكم بنوتات ؟؟
وكيف الزحمة وتقطيع اللحمة ؟؟

هذا تقريبا أول موضوع لي بهالمنتدى الحبيـــــــــب ،، وحابه أشاوركم باسم ولدي إللي بيجي خلال شهر ونص من الآن إن شاء الله ..

طبعا الاسم هو ( آدم ) .. بس قبل لا تقولوا آرائكم شوفوا ليش اخترته :

1- قبل ما أنخطب شفت زوجي برؤيا جميلة جدا .. كنا لابسين أبيض في أبيض ومعانا نونو زي القمر لابس أبيض والدنيا حولينا ظلااااااام بس في نور أبيض من السما منورنا إحنا وبس ... كنا مبتسمين ونطالع في النونو وبعدين سألته إيش بنسميه ؟ قلي آدم !! قلت آدم آدم .. وصحيت من النوم مستغربة .. أولا هذا الرجال موظف بمعهدنا بقسم الرجال إيش خلاني أحلم بيه ؟؟ وإيش حكاية آدم ؟؟ الاسم مو متداول ليش وافقت عليه مباشرة بدون اعتراض ؟؟

ومرت الأيام وجا هالإنسان وخطبني واتزوجنا وحملت .. وسبحان الله من بداية حملي وأنا أقول فيّه ولد .. ولمن قلت لأبوه الحلم مررررره عجبه الاسم ووافق عليه بدون تردد

2- فكرت بعقلانيه ولقيت الناس تفرح لمن تسمي أولادها باسم النبي محمد صلى الله عليه وسلم .. طيب أنا حاسمي باسم أبو الأنبياء والبشر كلهم !!

3- زوجي يحمل جنسيه غير عربية ومن المعروف إنه اسم آدم محبوب ومعروف في جميع دول العالم من قبل جميع الديانات يعني ما بعقد الولد


وبكذا قررت يكون ابني هو آدم ...
فإيش رأيكم ؟؟
وهل تقكيري صحيح ؟؟؟