لو كنتي مكاني =(

[أم حياة]

السلام عليكم ورحمة الله وبركاته
مســــــــــــاء الخير
بصراحه انا بكتب لكم سالفتي لكن ما ابي منكم حلول ولا نصيحه لان والحمدلله متصالحه مع نفسي ومكرمتها كل اللي ابي ان كل وحده تدخل تكتب ردة فعلها لو كانت بمحلي (الله لايذوقكم)...
السالفه انا متزوجه من ولد عمي وعن حب بالنسبه لي كنت مهوووسه فيه لدرجه .. لكن الي صار حز في خاطر لكن للحين اغليه بس مومثل اول لانه شايلني على كفوف الراحه ولا يصير الاالي ابي (لكن الوحده ما تبي الا قلب زوجها ما تبي فلوسه وغيرها)
اول السالفه كان بعد الملكه جلسنا شهر بدون اتصال او زياره والى الان ما اعرف السبب ولا ساالته .. وبعده دق وصرنا نكلم بعضا من يومين لاسبوع لعشر ايام .. اعرف اني في ناس يوميا او باليوم اكثر من مره ... لكن كلن وهواه وبعد هذا ما سالته وما احب ارمي نفسي على احد حتى لو زوجي
وبعدها تزوجنا ولما صرنا في الاسبوع الاول من شهر العسل دخل زوجي الحمام يتسبح وانا كنت جالسه لوحدي وكان جواله عندي فقلت خليني اشوووف رسايلي لسى محتفظ فيها او الا ؟ والحمد لله لقيتها وكانت بحافظه خاصه وباسم حلووو بعد لكن لفت نظري حافظه باسم ولد وفيها رسايل ضعف رسايلي ..ماكان لي نيه افتش ولا احب هالاسلوب ..(لكن زوجي حبيبي نمى فيني هالعاده وصرت افتش كل شي يخصه) لما فتحت الحافظه لقيت الرسايل كلها انقلش لكن كانت من بنت والطامه انه رسايلها بعد الملكه باسبوعين تقريبا ..هنا انهرت وبكيت حسيت اني بقررره
دخل علي وفهم كل شي وقام يحلف ان ما يعرف من صاحب الرقم وهل هو بنت وا لا ولد .. وانه كان مفكره مقلب من اصحابه وانه احتفظ بالرسايل حتى يكتشف السالفه
وقام يهدي فيني واضطريت اسكت وانا من جواتي مكذبته .. والا ايش اسووي (ارجع لاهلي وافضحه وافصح نفسي )ولما رجعنا لبيتنا وفي يوم كنا نايمين وكان جواله يدق وصحيت لقيتها هي قلت فرصه خلني اشوف ولما رديت كانت بنت وكانت تنادي باسم زوجي فلان .. فلان.. الووو ..و. حاولت اتكلم ماقدرت على طول طحت لاني عرفت انه كلمها وانه كذاااب ..المصيبه انه كان هو واخوه دايم متخاصمين لان اخوه يكلم بنااات
حيرني معه .. بعدها بسنتين دخلت حسابه بالفيس بوك ودخلت على اني بنت ودردشت معه ومشى معي وعطاني رقمه .. ولما واجهته قالي نفس السبب الاول (حافظ مش فاهم ههههه) هنا خلاص والله ما اصدقه (وهذا اصعب احساس انك ماتحسين ان كلام زوجك له اي قيمه وانه كاذب)قلت له خلاص انت حر والله لوتدخل بيوت الناس ماهمني الزم ماعلي ولدي .. حسيته كان بيموت (الرجال يحب المره الي تغار عليه)وانا قلت خرب مثل ما تبي ماهمني منك .. وانا مصرت اصدقك
تغير وجهه مية لون لكن يستاهل لكن يشهد الله انه لي اطيب حتى من اهلي واني ما سمعت منه كلمه كدرتني
يالله كل وحده تدخل تكتب ردة فعلها .. وخصوصا التناقض
بانتظار ردودكم بااايااات