تجمع الحوامل اللي بيولدون شهر شوال 1432ه

[فرقد النور]

انا اسفة حبيباتي على التاخير بس والله غصب علي
وترى ما نسيتكم ودايم على بالي
باقول لكم قصة ولادتي باختصار :
يوم الاحد الفجر حسيت بالالام مثل الدورة وشئ كانه بنفتح من داخل هذا الساعة 3 الفجرواروح الحمام علشان اتجهز للصلاة الا اشوف افرازات فيها دم
والالام زاد واظل احسب وشفته كل 6 دقايق واحيانا
5 دقايق وصليت ومشيت الساعة خمسالفجر الى المستشفى وفحصت ولقته مفتوح 3ونص وقالت راح تظلي وان شاء الله خلال ساعتين ثلاث تكوني والدة لانك موبكرية وفرحت وحطوا تخطيط قلب للجنين وللتقلصات وعلى الساعة8 شافت ان فيه طلق بس مو منتظم والرحم ماتغير وعطتني ابرة طلق في العضل وانفتح الى 4ونص بس وعطتني طلق صناعي في المغذي بس على جرعات صغيرة على كلامها وانفجر الماي على الساعة 10 ونص وظل يحمى الطلق على الساعة 12وربع الظهر حسيت بالدفع وقالت كلما حسيتي انك راح تتبرزي ( ونتم بالكرامه دفعي بقوة وعلى طول والله انقطع نفسي وانا ادفع وهي تقول شاطرة بعد بعد وبعد 4 دفعات طلع حبيب قلبي وصار لي تمزق من الدفع وما جرحتني الدكتورة وخاطتني خياطة عادية طوليةوسالتها تجميلية؟؟ قالت لا
والحين تعورني الخياطة لانها بدت تشد واستعمل لها بيتادين غسول ومرهم ميبو بس
وتعذيب في القومه والقعدة
يالله دعواتكم لنا
والله يسهل عليكم يارب