هنوني بشوفه بنتي قره عيوني ٢

[البرنسيسه)شوق(]

بسم الله الرحمن الرحيم احب اشكر كل وحده باركت لي وابي اقول لكم قصه ولا دتي يوم الاحد 17-7 رحت للمراجعه فقالت الدكتوره ماي الجنين ناقصه مو كثير فقلت لها خلا ص ولدوني لاني عديت موعد الولا ده فقالت لا زم مهله اسبوع بس بنسوي تحريض يمكن تجيكي ولا ده فتنومت بالمستشفى وقبل لا تسوي تحريض كان فاتح1 سانتي وسوت الدكتوره الظهر تحريض حسيت بعدها بألمبس خفيف ولما جا المغرب قلت خلاص الظاهر اني الحين 5 او6 سانتي من قوه الالم فقلت للنيرس تفحص وكانت الصدمه ‎;(‎2‏ سانتي فقلت بامشي احسن من السرير مشيت لين تنفخت رجولي وبعدها رجعت غرفتي وحاولت انام بس ماقدرت ورحت اتوضا وصليت ركعتين وطلبت ربي يسهل علي وبعدها الحمد لله نمت شوي وقمت اليوم الثاني على مغص اقوى وقلت فرجت الحين عادمفتوح وبزياده مافيها كلا م وجت النيرس وقاست 3 سانتي فقلت لا زم اسوي شي فرحت لوحده توها والد ه وشكيت لها الحال فعطتني حلتيته قالت شميها والله كريم فصدقوني ياخواتي انها بغت اطير فخشمي من قو الشمه وبعدها حسيت بوجع باأرحامي ولافيه فايده الالم يزيد والرحم مو براضي يتجاوب فقلت بحطها في ماي واشمها وبعد ما شميتها استفرغت مرتين اكرمكم الله وقلت ان الله مع الصابرين فطلبت ربي والحيت عليه بالدعاء ورجعت امشي فشافتني النيرس وانفجعت قالت لين الحين مافي ولا ده قلت ايه احس انها حاسه فيني عكس الدكتورات قالت امشي بعدين ناديني علشان افحس ومشيت وناديتها فقاست وقالت4 سانتي بتنزلين غرفه الولاده ‎:d‎فطرت من الفرحه بغيت اروح مشي مو بعربانه المهم طلبت ابره الظهر فقالت الدكتوره انها اطول وقت الولاده ومادري ايش فعرضت علي الكمام الاسود وابر مهديه كبديل للابره فوافقت طبعا الساعه كانت 6 ونص المغرب فقالت لما يجي الا لم اسحبي نفس منه ولما يروح اسحبي من الاكسجين فقلت طيب وسحبت على كلا مها وماخذ يت الا الكمام وجات الساعه 9 ولسه 4 سانتي وجات الساعه 2 و5 سانتي بعدين جات الدكتوره وبغت تنجن وقالت للقابله تسحب الكمام وتعطيني الاكسجين لان البيبي قل نبضه ونام واخذت توسع بيدها لين وصل 8 سانتي انواع العداب الله لا يضيع لنا الاجر وبغيت اموت من الالم مايفصل وقلت خلاص سوي عمليه قالت اذا ماتعدل النبض بنسوي ودخل يدها وتوسع لين وصل 10 سانتي قالت يالله ادفعي وين انا خلاص ميته مافيني حيل ولا قوه يومين ماكليت ولا نمت واحاول ادفع ماقدرت الا عقب طاعه الروح وطلعت بنتي الساعه 4 ونص الصباح وقالت ارتاحي بعد اشوي باجي اخيطك وخذو بنتي حظانه خاصه لانها تعبت عند الولاده ومعاها صفار وانا اللحين بالمستشفى العسكري وبغرفه لحالي وضايقه وطفشانه كل اشوي اروح لبنتي وارجع اتصدقون لها يومين ماسميتها محتاره وهذي قصتي بالتفصيل الممل جدا وادعولي ان ربي يبارك فيها لان صراحه تعسرت ولا دتي فيها الله يجعلها باره والله يسهل على كل حامل ولا يضرها امين