معاملة مستشفى الولادة سيئة جداً

[فرحة الدنيا]

السلام عليكم ورحمت الله وبركاته
كيفكم حواااامل ؟ وكيف الحمل معآكم ؟
المهم أنا كان عندي موعد في مستشفى الولادة بالدمــام أمس
الساعة 8 صباحا ، وجلست في الأنتظار لحد الساعة 8:30 صباحا
على ماشرفت الممرضة ونفسيتها زفت سلمتها كرت المتابعه وقالت انتظري
لحد ماتوصل الدكتورة ومتدرباتها ، والله وأنا في الأنتظار ماتسمعين الا صراخ الممرضات على المراجعات ومافيه أحترام ..
المهم شرفت الدكتورة / أمال الدوسري ، وأنا عمداً كتبت أسمها لأن أسلوبها
خايس في التعامل وتكلمك من طرف خشمها والله أنها جالسه تصرخ علي وتقول ليه تراجعين عندنا ليه ما تروحين مستشفى خاص أو مستوصف الحي هنا عصبت وقلت لها يعني أنا مثقله على المستشفى بمتابعتي عندك المستشفي مليان مراجعات
تعرفون شو قالت ؟؟ قالت عندنا ضغط مراجعات من القطيف وسيهات ومكتفين فيهم
أنتي روحي خـــاص ، قلت لها طيب أكشفي علي هالمرة وبعدها ماراح أتابع حملي
عندكم ، قالت فيك سكر فيك ضغط عندك مرض بالكلى . قلت لها لا قالت خلاص روحي لا عاد تراجعي عندنا حتى حمض الفوليك والحديد ما صرفته لي ..
يعني حاجه تقهر تعالج ناس وناس لا ويكثر الأجانب اللي يراجعون عندهم وقفت المسألة علي أنا حسبي الله ونعم الوكيل
هذا غير أخطائهم الطبية اللي ساكتين عليهم