هنا تجمع حوامل الشهر (الاول والثاني والثالث)

[أم مدى]

شخباركم بنات اسفة لغيبتي
ماتدرون وش ضار لي قبل اسبوع رحت لمستوصف خاص عشان اعمل سونار
وخوفتني الدكتوره اول مرة قالت مو باين شي !!
وخفت انه حمل بدون جنين وقالتلي الدكتورة اشربي ماء وتعالي بعد نصف ساعه
وبعد نص ساعه قالتلي في كيس كبير جنب الجنين وحجمه كبير وقالتلي احتمال يكون كيس ماء او كيس لحمي قلتلها طيب البيبي زين؟
قالت البيبي مافي شي سليم وسمعتني النبض
من ركبت السيارة مع زوجي وانا صياح وبكي وحالتي حاله خفت انه بقايا من عواري الاول
ولي اربع ايام وانا على هالحاله
واخر شي زوجي قال مايصير كذا تعذبين نفسك خلينا نروح للمستشفى الحكومي ونشوف شيقولون؟
اول مرة رفضت خفت يخرعوني وبعدين تشجعت ورحت معاه
دخلت على الدكتورة وقلتلها عن وضعي ووريتها السونار
سوتلي سونار وماكان فيه لاكيس ولاشي والبيبي سليم وفيه نبض
قلتلها يادكتورة انتي متأكده قالت ايه وورتني شاشة السونار وتطمنت
قلتلها طيب يادكتورة ايش الكيس اللي كان موجود بسونار المستوصف الخاص
قالتلي هذا من شرب المويه

ياربي لك الف حمد

وابارك لكل الحوامل الجدد اللي انضموا لنا