دردشة حوامل أهل الرياض - دردشة بنات الرياض - تجمع حوامل الرياض

[كآدي]

كروشات الريآض

انا جيت بنتي نآيمه توي حطيتها من يدي اصصصص هدواء

كل وحده تسحب كرشتها بشويش غشآن ما تصحى بنتي وتآخذني منكم

وانا ما قرت عيني فديتكم

اول شي كيفكم كلكم وحده وحده
كرشه كرشه

وحشتوني وربي

ام ركوني فديتك مره خجلتيني بشهادتك فيني ربي يخليك ويهون عليك
ويسهل عليك
وربي انك عزيزه وغاليه يا بعد قلبي

دلوعتي لبى قلبك فرحت يوم قريت كلامك فيني شوي وابوس الشاشه
هاه دلوعتي تبين تخطبين بنتي ما عندي مشكله بس المهم ان ولدك يكون قلبه لبنتي لوحدها ما يشوف ولا يشغله غير بنتي
ابي يحبها مثل عنتر ورميوو وابن عدوان بس بدون فراق ولا خيانه مثل ما صار مع هذولي
واذا كذا ترا بقبله لو ما عنده وظيفه اهم شي الحب والوفاء والباقي لاحقه عليه يا شيخه راحه البال ما تنشرى
هههههههههههه

الله يهون عليك يا الغاليه
ترا انا زواري قليل موب كثير بس تشوفيني مشغوله الله لا يشغلنا الا بطاعته وقليل ادخل التجمع
احورف بعمري ابي اصير عرووووووووووس تشوفيني احط لك من الخلطات واجلس بحمام البخار ابي سواد الرقبه والجسم يروح مني
بس ما اتهنى فيه من اجلس فيه الا بنتي تصيح وانا لوحدي اقوم اطلع واسكت بنتي وارجع ادخل واجلس وتصيح وهاكذا على ذا الحال يا اختي بنتي طنطانه من تدري اني اسوي شي الا تحس وتقوم وتصيح هههههه
ما تبيني اتزين لابوها تبيني لها لوحدها ما تدري ان لها بعد اخو واخت بيتقاسموني معهآ
خخخخخخ
الله يخليهم يارب ويكبرهم ويهديهم


راجيتن الله يا عمري والله مشكلتك مشكله بس اكيد اذا رحتي لدكتورتك وخبرتيها بتحل مشكلتك واذا فيه احد مر بمثلها ان شاء الله ما يقصرون البنات

ام غنو ارحبى لبى حياتك والله يهون عليك وتولدي بسلامه



مهتويه ياليت فيه كان انا اول وحده اطلبها مالك الا تجيبي شغاله تعرف تطبخ شعبيات كثير اقاربي خداماتهم يضبطون الشعبيات بس عاد من طالهم او جيبي شغاله المهم تعرف تطبخ وعلميها لك اسبوع وان شاء الله بتزكي
وبتعجبك الله يهون عليك

ام ميمونه الله يسهل عليك انا تمام الحمد الله الله يديم نعمه الصحه والعافيه

انتي طمنينا عليك دووم
واذا على وجع الظهر انا اكثر وحده في العالم اوجعها ظهرها تصدقين حتى دكتورتي عجزت معي ما حست فيني وانا من ادخل اقولها ظهري ظهري يا بنت الحلال ظهري حسو فيني يا مسلمين صدقيني من الوجع صرت مثل المشلوله حتى مشي ما اقدر قمت ازحف اسال الله الاجر الحمد الله رب العالمين الله لا يضيع لي ولكم تعب ونشوف عيالنا مرضين ربنا وبارين فينا يااارب

وكل البنات والكروشات الف تحيه واحلى سلام


لي عوده اذا نامت ملاااااكي الصغيره