(فرسان على جمر الغضى -للكاتبه وديمه العطى)

[العاااالي مستواها]

بالمسا بالمجلس

ليث:اقوول يا خووي يا عتاااب ودي اياااك تمسك المشيييخه يومين لين اقدر اروووح ازوور قبر ام راكاان واعاااود

عتاب:انت بعدك يا خوووي تهوووجس بالسااالفه ذي

ليث:يا خوووي ودي اطفي النااار الي بالجوووف لزوووم نزووور انا وراكاان قبرها كوود ترتااح بقبرها يومن تدريبنا قريبيين منها وان راكااان معي وهو بخيير ...

تنهد بحرقه: اشوووفها يا خوووي قدااام عيني ودي اياااها ترتاااح وودي اطلب منها السموووحه على كل الي صااار لها بسبتي

حط عتااب يده على كتف ليث:توووكل يا خوووي توكل وكل شي باذن الله يكووون مسدووود

ابتسم ليث وهو يهز راااسه وقااام:ودي اروووح اشووف راكاان واشووف بنت الشييخ طاايل وش ودها يصييير

راح ليث وظل عتاااب وهو يدري ان وقته حاان لجل ايعاااود لبيته ورجفة قليبه تعاااود له

كان يمشي متجه لبيته ودقاات قلبه تزيييد"يا جهد البلا وش الي يصيير لي وكااااد انها اسحرتني

طل عليها بالشق وكانت جالسه وهي بكااامل زينتها وذهووبها حالها من حاااله تعرق ايديها وتنشف

عتاب وهو واقف بالطرف الثاني وهو ينزع حزاام سلاااحه:احممم

تمتتمت وهي تشبك اصاابع ايديها بحيييل

اخذ عتااب يناظرها بطرف عينه وهو يستعد للنوم ومن بعد ما اخذ مكاانه بالفرااش وطفى السرج القريب منه

عتاب وهو يمد يده وتلااامس طرف اصبعه قوت الجالسه على طرف الفرشه:ودنا انااام الشيييخ باااكر وده يرحل يومييين ولزوووم اكووون بالمجلس مكااانه من صباااح الله خيير قربي ونااامي

قوت بربكه انكتت قريب منه وكاانت يده بعدها ممدوده ضمها له

عتاب:قووووته !!!!!!!..ودج اتناااامييييين بذهوووووووبج

شهقت ونطت بسرعه :هاااه للا لللا هالحيييين احطهم بالصندووووق

عتاب:يااااااجهد البلااااااا

قوت وهي جالسه قرييب من واحد من صناااديقها وهي تخلع ذهووبها وتحس انها مهي بطبيعيه

قوت:يا وييييلي وش الي يصيييرلي الله ياااخذك يا عتاااب الحااال الي انا فيييه مهب حاااال

عتاب:انتي وش قاااعده تقوولييين يا حرمه

قوت:ماقووول شي ماقووول شي

عتاب:زييين عجلي

قوت:ليييه العجله تراااها من الشيطااان

تخللت اصاابعه شعره وشده بشوييش لجل انه مايفقد صبره معها

ظلت قووت فتره وهي تخلع ذهوبها وثووبها الي كاان كله تطاريزبثوب ثااني لين ماحس عتاب ان ما ودها تجييه لاكنه اول ماكشف طرف اللحاف شافها وهي تحط من الطيب الي خلااه يعض على شفااايفه

قربت قووت وهي متردده

جلس عتاب وناظرها وهو يكشف لها طرف لفرااش

عتاب:هاااه يابنت العطاااوي ما ودج ايااانا نمسي اليوووم وانتي تدرييين اني لزوووم اكوون بالمجلس بالصباااح

انكتت قريب منه:زيين زيين الليل طويييل

ابتسم وهو يناااظر خجلها ...اتكى بيده قريب منها وهو يناظرها وهي تصد بنظرها من بعد ماحطت راسها على وسادتها

عتاب:وش ودج اتقوليين؟

كان يريد عيونها تلتقي بعيونه:ما ودي اقووول شي

عتاب:زييين ودج اياااني انا اقووول شي

قوت :ا انت ..انت بكيييفك ..تقوووول الي تريييد تقوووله

عتاب:ماكاان ودي اقووول شي مير انا متعجبن حيييل ليييه الخجل ذا كله وانتي ماهي باول مره تبيييتي مع رجااال

ناظرته قوت وابتسم لها

عتاب:نقوووول يمكن انج كنتي اسيرتن بيوووم وكنتي حلااال للي كنتي اسيرتن عنده ..ترا لبنيه ماهقووتي انها بيووم تلحق رجااال وتدعي معه انها حرمتن له وتبيييت معه بالخلا

قوت:لييه هو الرجال خذا منها شي؟

عتاب وعيونه بعيونها وهي تناااظره هالحييين من غير ماتبعدهن عنه:كااان يقدر الا انه ماهو راعي للسوالف ذي..مير يمكن الرجال الي ادعت انها حرمته من بعده قدر ياااخذ الي يرييييده "كان يقصد الشيخ عساف"

قوت:زييين وش حاااجتك منها وانت نفسك ماتشتهيها؟؟

عتاب:هو انا قلت ان نفسي ماتشتهيها؟؟!!؟؟...هي صااارت حلاااالي ...وانا بكيييفي ودي بقربها حالها من حااال الفرس متى ما كااان ودي ابدلها بدلتها وجبت فرس اصيييله تستاااهل اني اكووون فارسها

قوت:وانا فرسن اصيييله ان ماكااان خيااالي يستااهل رميييته من على السرج

كان ودها تبتعد من لفرااش وهي غضبانه عليه الا ان عتاااب منعها وهو يشدها له بحيييل وكل الولع الي بصدره يهمسبه لها



..................................


المها وفهاااد الليله كانو بديرة الشيخ سعد ومن بعد ماناام فهاااد جلست المها مع اخوها سعد وهي تحس بعلة اخوها

المها:وش كاان ردهم النووبه ذي يا خوووي

سعد وهو يبتسم:ما ودها

المها:زييين ودك ايااني اشووفلك بنيه من بناات الشيووخ

سعد:للا يا خيه ...القلب تولع بيها ومعاااد يشوووف غيرها

المها:يا ويييلي ..ودك ايااني يا خوووي اروووح لها انا واقنعها

سعد:للا يا خيه باذن الله انها ترضى قريب

المها:وانت ودك تعيييدخطبتها

سعد:اييه يا خيه بكل مره تردني فيها ارسل لها باليووم الثااني جااهه وطلب جدييد لين مايلييين قليبها وترضى هقووتي ان سووواتي فيها بعدها ماثره فيها

المها:تدري يا خووي وانا اقوول ان هقووتي ان قليبها متولعن فييك لجل كذا هي مهي براااضيه ترضى

سعد:والله انها بشااارتن زييينه يا المها الله يلييين قليبها

المها:وانت يا خوووي قلييبك متى تولع فيها

سعد بتردد:اقووول وماتزعلي

المها:ولييه ازعل

سعد وهو يضحك:ودج تدرين بسوااد وجه اخووج

المها:يا وييلي وش الي سويته يا خوووي غير انك مديت يدك عليها

ناظر سعد وهو يغمض عينه ويفتحهن لجل ان الصوره العالقه بخيااله تختفي:يا خيه يوم اني كنت مع عيال العطاوي بالجبل وانا قلت لج السالفه من قبل بذاك اليووم وبالصباااح الباااكر رحت للغدير والضو كان توه بااادي ...........

المها:زييين وبعديين

سعد:شفتها حينها يا خيه

المها:وش شفت يا خوووي؟؟

سعد:شفتها وهي بالغدير تسبح

حطت المها يدها تمنع شهقتها وسعد يناظرها:والله يا خيه كان ودي اني امنع عيووني من شوفتها مير ماقدرت

المها:وهي شااافتك يا خووي

سعد:للا لين هالحيين ماتدري

المها:زيين وش الي صاار بعدييين

سعد:تولعت فيها ...نقوول اعجبتني حيييل مير يوم شفتها بنوبه ثانيه مع واحدن منهم ظنيت فيها الشينه وصرفت فكري عنها ويومن دريت عقب انها مهب راعية السوالف ذيج عاودت افكر فيها مرتن ثانيه ويوم الغزو بعد الي صار غضبت حييل عليها وجاها الي جاها مني مير هالحيين يا خيه انا ادري اني متولعن فيها حييييل

المها:الله يكتب يا خوووي المقسوووم


............


باول الصباااح اول ماقااام عتاااب ناظر للي نايمه جنبه وشاافها نااايمه اعتدل متكي على يده يناااظرها وطااال به الوقت...قوته بعدها بوقت فتحت عيونها وشافته يناظرها حينها سحبت اللحاف وغطت وجهها

قام عتاب وهو مبتسم وبعد ما تاكدت انه طلع من الشق ارفعت اللحاف

بمجلس الشيخ ليث دخل عتاب الي كان يدري انه تاخر على الشيخ الي كان وده يطلع من الصباح الباكر

عتاب بابتساامه:السموووحه يا شييييخ السموووحه النووم سلطاان خذاني وماحسيييت بحااالي

ناظره ليث بنظره بعدها عاااود وجلس:كان ودي اطلع من الصبااح مير هالحيين ماهقوووتي اطلع والشمس بكبد السما

عتاب وهو منحرج:ماعاااد اعيدها يا شييييخ

لييث:زيييين...وهالحييين قم خلنا نشوف وش هو حال الفرسااان من بعد الغزوه لزوووم يعااودو على تدريبهم على الخييل والسلااح

عتاب وهو يوقف:زيين نروووح لهم

بالوقت الي رااح فيه ليث وعتااب وصلت البدور ومعها الرجال وحرمته وتوجهو لبيت الشيخ وماكااانت تدري ان الشييخ هو ليث

كانت مشتاااقه حييل لوليدها وخاايفه انه مايكووون بالقبيله او ان ماجد ما قدر يوصله لهم وهم مايدروون وش هي علوووم مااجد

سال الرجال الرجال الي بالمجلس عن الشيخ وقالو له انه قريب يعاااود وضيفوه بالمجلس والحريم نادو وحده من البناات تاخذهن للمجلس الثاني الي شقه جالسه فيه شوق وراكاان وبالمجلس جلست البدور وهي تحس قليبها وده يطلع

البدور:يا ويييلي احس ماني قااادره اخذ انفااااسي قليييبي يقووول انه قريييب مني

الحرمه:بذن الله ياعمتي تقر عيينج فييه

شوق وهي شااايله راكان وطالعه من الشق:تعااال يا حبة عييني يقولوون ان عندنا ضيوووف

ناظرت شوق البدوور وعيونها تريد تتاكد من الي تشوووفه وهي شايله راكاان

ثوااني والعيووون تتبادل النظرات وقفت البدور وهي تناظر شوق

شوق:انتي ....انتي ام راكاااان انتي بعدج عااايشه يا خيه

البدور تفجرت دموووعها:راكااان هو ذااا راكااااان

شوق وعيونها تمتلي من الدموووع:اييييه هو راكااان ذا ...الشيييخ راكااااان

وبخطوتين كانت البدور قريب من شوووق وهي تناظر راكان وايديها ممدوده له وتشوووف وشلووون هو كبر وتغير عن اخر مره شافته فيها

البدور بعبره :يا رووووح مييييييمه راكاااااان والله ان الفرقا شييييييينه

خذته لاحضااانها وشهقااااتها تعتلي بالمكااان

الحرمه الي معها وشووق ولبنيات الي كانن معها الكل صار يبكي من بكااها

ابعدته البدور تناظر وجهه:صحيييح هذا هوووو راكاان

ظلت تناااظره وتمشي لخااارج البيت ودها تشوووفها بسفر الشمس وتقتنع انها تشوووفه صحيييح

البدور:يا ويييلي والله ان حااالي من عقبك يا راكااان مهو بحااااال

عاودت تضمه بحييل لصدرها وتناااظره

الحرمات طلعن معها قدام البيت وظلن يناظرنها

وعلى مسااافه وقفت فرس ليث وهو يناااظر وش الي يصيير قدام بيت ولده شاف الحريم خاف ان راكاان صار له شي لاكنه حس ان الدنيا بدت اتلف فيه وهو يشوووف زوولها لا لا لا هذي مهب هيي وكااااد اني قمت اتخيل زولها واتمنى انها تكووون هي

واول مانزل من الفرس ظل ثااابت بمكاانه وهو يتاكد زيين انه هي بعييينها كان منبهت ومصدووم ومايدري وش يسوي

البدور اول مانااظرن الحرماات للي جاي ونزل من الفرس ناظرت ناااحيته وكان بعييد عنها بخطوات كثيره حست برجفه كبييره ترجفها وغمضت عيونها تحااول انها تستوعب الي تشوووفه "الليث حي مامااات الليث حي ماماات وكااد الي مااات بالقبيله مهو بهو يا ويييلي وشلووون ظنيت انه هو الحمد لله الحمد لله

قربت شوق من البدور وخذت راكان وهي تشووف البدور ماهي مصدقه الي تشوفه قدام عينها واول ماخذت شوق راكان ماحست البدور بحالها الا وهي واقفه قدام ليث ترييد تملى عينها من شوفته وحتى ايديها الي مدتهن لجل انها تتاكد من انه هو الي واقف قدامها ماحست بيها

البدور:لييث انت؟؟

ليث وعيونه تناظرها وهي قدامه وكل الي يصير قدامه ماهو قااادر يتخيل انه حقيقه مير حقيقه مره نطت قدامه وفسرت كل الي يصييير

الليث:ابعدي يدج عني

ناظرته البدور متفااجئه من نبرة صوته وزجرته لها

دموعها كانت تنزل من عيونها وانفااسها اتزيد مع دقااات قليبها

اليث:وش الي خلاااج اتعاااوديين؟؟

البدور بصوت خااافت ومنعدم:وليييدي

ليث:هالحييين ذكرتي ان لج ولييييد

البدور مصدوومه:انت وش قاااعد اتقووول؟

ليث وبعيونه غضب ماقد شافته البدور بعيونه من زماان:وش الي قاااعد اقوووله؟ اقوول الحقييقه الي واااضه مثل وضوووح الشمس..لجل ان نفسج عااايفه ولد العطاااوي مالقييتي طريقه تخلصيين منه فيها الا انج تخلصين من ولده بلاول وارسلتيه وقلتي انج متي لجل اتريحي راسج من عيال العطاوي وتبدين صفحه جديده اتنسيج الذل الي كنتي فييه

البدور:انا يا لييث!!!؟

ليث:انكتميييي ماودي اسمع صوووتج وما ودي اسمع شي ولوقلتي لي وجبتيييلي كل اعذااار الدنيا مراااح اصدق شي ..كييييف اتهووون عليييج نفسج وترسليين راكااان لحاااله وانتي ماتدرين وش الحاال الي راح يلقااه قدامه

البدور بدت تبكي بصوت عاالي وهي تحس ان الكلاام انكتم بالفعل بفمها

ليث:حنا كنا بغزو...ترسليينه وحنا بغزو وتذبحيييني بعلم موووتج..هذي سواااه يا ام راكااان!!؟؟؟

ناظر ليث ناحية راكان الي كانت شوق شايلاه وهي واقفه قدام البيت

ليث:وهالحييين جاايه تقوليين ولييييدي...

التفت ناحيتها وناظرها وهي ترتجف من البكا:هالحيييين يوم دريتي ان عيال العطااوي طاريهم بكل مكااان وان الليث صار شيخ القبيله جااايه يا ام راكااان اتقوليين ولييييدي

هزت البدور راسها بلااااا ولساانها عاااجز من الكلااام

ابتسم بسخريه:وهقووتي انج كنتي واقفه قدااامي ودج اتبينييين لي شوووقج لي ...هالحيييين من بعد ما صرت الشيييخ بااان الشوووق بعيووونج

مسحت البدور عيونها الي ما وقفت من الدمع وهي تحااول انها تنطق بكلمه لاكنها ماقدرت

ليث:ان كااان ودج بوليدج انا رااح اسمح انج تكوونين معه ماهوبلجلج مير لجلي ولجله وتكونيين تحت الشوور ام لراكاان مالج اي احقوووق ثااانيه وما اعجبج الحااال ارمي علييج يميين الطلااق وترحلي لديرتكم وانتي مزوده من الخير الي تريدينه ..ارحلي كوود يكوون لج اهناااك رجال تخليتي عن وليييدج لجله

البدور بعبره:اريييد وليييدي

ليث:راكااان ماهوب طاالع من الديره ان كنتي تريدينه تظلي اهنيا بشروطي الي اريدها والخيار الثااني اتعرفينه

التفت بعدها ليث وتوجه للمجلس وهو يشيير للكل ان كل حد يرووح لحاااله

قربت عبله الي كان بيتها قريب وهي تناظر من بعيد الي يصير ونزلت ومسكت البدور من اكتافها وساعدتها انها تقووم معها

البدور:اريييد ولييييدي

عبله:وليييدج اهنيا اهنيا تعاالي معي بلاوله

البدور:للا اريييد وليييدي ما ودي بفرقاااه مرتن ثااانيه ارجاااج خلييه يعطييني ولييييدي انا ...انا

عبله:قوومي معااي يا خيه قوومي وانا اخذج لولييييدج


بالمجلس جلس لييث والرجال وكان يحس بنااار تحرق كل مابقي به غضب وشووق وقهر وقلييب يرجف بحيييل

كان يحاول انه يكوون مثل لول وياخذ من الرجال علووم القبيله عتاب جلس يناااظره وهو حااسس بالي يصيير له لاكنه ظل سااكت والمجلس مليان بالرجال

ومن بعد ما فضي المجلس التفت عتاب لليث

عتاب:الحمد لله على سلاامة ام راكاان يا شيييخ

ظل ساااكت

عتاب:يا شيييخ لزووم تخلي الحرمه تقووول وش سالفتها

التفت ليث لعتاب بغضب:ما هقوووتي هناااك سالفه غير الي وااضحه بوضوووح الشمس...هي ما ودها بولد العطااوي من الاوله وراكاان هو الي بلشها فييني ويوم شافت ان مالها خلاااص مني ارسلته وارسلة خبر موتها لجل تخلص مني

عتاب:وشلووون تسوي الام بعيلها كذا قلييبها ما يطاوعها

ليث:هي تقدر هي ما ودها اياااه من الاوله

عتاب:للا يا لييث هي وافقت تملك عليها لجل وليدها

ليث:لجل اتعاااود لديرتها كانت مستعده اتسوي اي شي ويوووم عاااودت وامنت على حالها ويمكن ان يكوون لها عشييقن من قبل شافته وقدرت انها تتخلى عن وليييدها لجله

عتاب وهو يهز راسه:للا يا خوووي للا هذي كلها اوهااام انت تقولها بس لزووم تسمع للحرمه بلاوله

ليث:ما ودي اسمع شي


ظلت البدور كل اليوم عند عبله وهي تبكي لين ماجتها شوق وجابت لها راكاان الي خلاها تسكت اشوي وهي تضمه لصدرها

اما ليث حس نفسه بدواامه مرتن يصدق احسااسه والي يفكر فيه من الي سوته ومرتن يهزه الشوووق لجل اتشوفها عيونه مرتن ثاانيه

على المسا امر ان راكاان يعااود مع شوق لبيتهم وطلب من قماااد انه يعااود يبيت معه بالبيت الي تبيت فييه شوق


البدور اول مادريت ان راكااان راح ياخذونه منها جلست تبكي وتضم راكاان حيييل لصدرها

عبله :اتركيه يا شوووق اتركييه يبيت اليووم عند امه

شوق:الشييخ لزم اني اعاااود بيه للبيت

عبله:قوليله ان امه قلييبه موجووع حيييل على وليييدها

خذت شوق راكاان:ان كااان ودها بوليدها خليها هي تروووح وتقووول له

قامت شوق وتوجهت للخارج ولحقت فيها عبله وتشااادت معها بالكلااام ومن بعدها عاااودت عبله عند البدور تهديها وتقول لها ان وليدها قريب منها

مرت شوق براكان وهي رايحه للشق بالمجلس الي يتبع له الشق وشافت قماااد وليث وعتاااب قام ليث واخذ راكااان وضمه لصدره وهو يشم ريحتها فيييه لثوااني ماحب حد يحاجييه وهو يذكر حيييل راعية الريحه بدا قليبه يدق بحيييل لاكنه عااود يفكر بالي يفكر فيه ناحيتها وطرد احساااسه بالشوق ناحيتها

ناظرت شوق بطرف عينها قمااد الي كان صارف بنظره لمكان ثاني وبعدها خذت راكان وراحت لداخل الشق

ظل عتاب عندهم قليل وبعدها قام رايح لبيته وهو يحس بقليبه يعاااود للرجيف من شوقه للي راح يشوفها هالحييين بنت العطااوي الفرس الاصيل ابتسم ودخل لبيته وشافها جالسه عند صناديقها كالعاااده ابتسم وقرب منها اخذ الوساده الي على لفرااش وحطها قريب منها واتكى عليها يناظرها قوت حست بربكه وبدت اخدودها تحمر

عتاب:ودج بمعووونه؟

هزت راسها بلااا وهي تجمع الصرااري وتحطها بالصندوق

مد عتاب ايده ومسك ايدها ورفعها لشفااته وهو يناظرها

قوت سحبت ايدها وهي مبينه غيضها عليه

عتاب بابتساامه:وش فيها الفرس اليووم صايره جموووحه

ناظرته بطرف عينها بنظرة توعد والتفتت عنه

يتبع ..