ولدي عمره 8 شهور......

[Jomanh123]

السلام عليكم بنات

بنات ولدي عمره 8 شهور وينقلب ويقعد واذا وقفته على طاوله يقعد ماسكها ثلاث دقايق ويطيح واذا مسكته ومشيته يمشي
بس ما يزحف ابد ولا شي مب هنا المشكله ام زوجي تعايرني زهقت اخر كلمه قالتها انه بيظحكوا عليه وتقول شيبه وما يبحى لانه بيد الخدامه وش دخل يا بنات دايم افرش له بس يبكي ينقههههههههههههر ولا احطه على بطنه كل شي ولا اخليه على بطنه يتقلب يمين ويسار بس ما يزحف وشريت له كذا شي وما فاد وام زوجي مستلمه تعليقات تقول ابوه مشى بدري وفيه اطفال اصغر منه ويبحون وعمتي تقول شوفيهم وتقولو حطيه خليه يزحف شفيه ما يزحف تخيلو اخت عمتي تجينا وعندها ولدها وبينهم شوي وتحط ولدها بالارض وتشل ولدي وتحطه بالارض تقول خليه يزحف وهي قصدها مقارنه ولدها قام يزحف وولد لا قالت يوووه ازحف خلاص انت كبير وشليته وقلت ماابغاه بالارض
بنات انتو تعرفو الاطفال في ذمتنا والفرشه وسخه الناس تدوسها والقدم اوسخ مكان في الانسان حرام احط ولدي ويقعد يلحس فيها وانا ما ارضاها على نفسي وما انام الا بفراش نظيف والله كنت بقولها تقدري تلحسي الفراش الحسيه اذا ما ترضيها لنفسك وترضيها لولدك انا عكسك عطوني رد يكسرهم بدون جرح زهقت كل يوم جيبي ولدك ومقارنات
للعلم ام زوجي بنت اختها الثانيه اللهم لا شماته ضعيييييييييييييييييفه وصار عمرها 6 شهور ما تنقلب وعمتي ما تجيب طاريها وانا ما ابغا اجيب طاريها اخاف ربي يبليني
لان ولدي متييين الحمدلله وما عمري شتمت على عيالهم انهم ضعاف ابد وعلى بالهم اني ضعيفه ما يدرون اني اخاف ربي يحاسبني ويردها لي عطوني رد جامد الله يخليكم ما يجرحهم ويسكتهم
بكره ولا بعده بيتكلمون بشي ثاني ابيهم ما يتدخلون حتى ملابس ولدي تدخل فيهم عمتي وتقعد تسبني لاني البسه ثقيل
وبس عطوني رد ومدري شقول اذا قالت مع الشغاله دايم عشان كذا ما يمشي خاطري اقول الشغاله عندها ٢ كبار